Qërojmë cipën imët dhe i hedhim në ujë me gëlqere dhe i lemë për 2 orë. I heqim nga gëlqeria, i shpëlajmë dhe i vemë në zjarr për 10 minuta, i heqim nga zjarri dhe i lemë në ujë.

Përgatisim shërbetin, i hedhim domatet deri sa të përfundojë glikoja. Në fund i hedhim një maj luge limontoz dhe disa gjethe barbarozë ( është një lloj lule )

Kruhet me rende cipa, pritet në thela, vihet në zjarr për 10 minuta, hiqet dhe lihet në ujë sa ti dali hidhërimi. .

Përgatitet shërbeti, hidhen limonat dhe hiqet nga zjarri deri sa të bëhet gati, në fund i hidhet disa fleta barbarozë

Qërohen patëllxhanët (duhen patëllxhan të vegjël) hidhen në uje me gëlqere dhe lihen 2 orë, pastaj hiqen nga ujı me gëlqere, shpëlahen, ju jepet një valë dhe lihet në ujë të ftotë.

Përgatitet shërbeti dhe hidhen patëllxhanët dhe lihen për 15 minuta në zjarr, hiqet nga zjarri dhe lihet për 4 orë.

Vihet prapë në zjarr dhe lihet deri sa të bëhet gati, në fund i hidhet një majë luge limontoz dhe disa gjethe barbarozë

Qërohet nga cipa, priet në thela e hidhet në ujë me gëlqere për 2 orë. Hhqet dhe shplahet me ujë,

Vihet në zjarr për 10 minuta, hiqet dhe lihet në ujë të ftotë.

Pëgatitet shërbeti dhe hidhen thelat e shalqinit, lihen në zjarr deri sa të bëhen gati, në fund i hidhet pak limontoz dhe disa gjethe barbarozë.

Pjeshkëve u hiqet lëkura, priten në copa dhe vendosen në frulator, mixer. Shtohet lëng limoni dhe treten gjersa të bëhet krem, i shtojmë farat e kias dhe e përziejmë.

Vendosen në kupa dhe I lemë në frigorifer për 2 orë (gjatë kësaj kohe kremi trashet pasi farat kanë vetinë që të thithin lëngun dhe kështu kremi do rezultojë I trashë si buding).

Pas 2 orësh tresim edhe bananet me manaferrat dhe I vendosim sërisht në frigorifer gjer në momentin e shërbimit. Frutat para se ti tresim duhet të jenë të ftohta nga frigoriferi.

Mundësisht fiku të këputet me pak bisht. Në një tenxhere hedhim fiqtë dhe mbi të hedhim sheqerin dhe i lemë per 24 orë.

Pastaj e vemë në zjarr dhe i hedhim gjysëm gote ujë. E ziejm në zjarr të ngadaltë duke e trazuar me ngadalë në mënyrë që të mos prishen kokrrat.

E lemë në zjarr për gjysëm ore dhe e heqim. E lemë në qetësi rreth 4-5 orë Pastaj e vemë përseri në zjar deri sa të trashet lëngu, i hedhim pak limontoz dhe e heqim.

Meren kumbullat u hiqet bërthama, qërohen dhe hidhen në ujë me gëlqere për 2 orë. Hiqen nga gëlqeria shplahen mirë me ujë vihen në zjarr për 5 minuta hiqen dhe lihen në ujë të ftohtë.

Në zjarr vendoset tenxherja me sheqer dhe ujë, lihet pak të ziej dhe hidhen kumbullat, lihen në zjarr për 15 minuta.

Hiqen nga zjarri dhe lihen për 24 orë në qetësi. Pastaj hiqen kumbullat nga tenxherja dhe tenxherja vihet në zjarr sa të trashet shërbeti. Kumbullave i vihen thelbinj bajame dhe hidhen në tenxheren me shërbet, lihet në zjarr sa të bëhet gati. Në fund i hidhet pak limontoz dhe disa fleta barbarozë.

Pritet fiku me thikë në copa të vogla ose griet në mulineks ( sipas dëshirës), hidhet në një tenxhere fiku dhe uji e viret në zjarr për disa minuta, pastaj hidhet sheqeri dhe lihet sa të marë valë,

ulet temperatura e zjarrit dhe trazohet shpesh që të mos ngjitet. Në zjarr lihet deri sa të trashet, sa të avullojë i tërë uji. Kur marmalata është bëre gati për ta ruajtur më gjatë i hidhet pak limontoz. E mira është qe marmalata të bëhet me zjarr ( dru si e kam bër unë ).

Përziejmë miellin me sodën e bukës, bëjmë një gropë në mes dhe shtojmë përbërësit e tjerë me rradhë duke e punuar masën, ujin në fund, brumi del i lëngshëm. Hedhim brumin në tavolinë dhe e hapim me anë të shkopit të kuzhinës, hapim një petë me trashësi 1.5 cm dhe e ndajmë në forma (si në foto). I vendosim në tavë me letër furre dhe I pjekim më 20 minuta në 250 gradë.

Mjaltin me pak ujë i tresim në një tenxhere dhe i ngrohim, shtojmë xhelatinën, i përziejmë për pak minuta, hedhim sheqerin pluhur, e përziejmë, e ndajmë në pjesë dhe shtojmë ngjyruesit për format e ndryshme, e punojmë në tavolinë deri sa të bëhet një formë plastike. Pasi ftohen ëmbëlsirat hedhim kremin dhe janë gati. Ju bëftë mirë

Hedhim miellin dhe hapim një gropë në mes të tij ku hedhim vezët, shtojmë gjalpin, sheqerin, mjaltin, i përziejmë.

Pas disa minutash punë me brumin shtojmë edhe sodën e bukës. I përziejmë mirë. Shtojmë arrat, e përziejmë masën mirë e mirë.

Marim tepsinë për pjekjes dhe e lyejmë me pak gjalp dhe pak miell.Hapim brumin. E pjekim për rrath 40 minuta në 140 gradë, e lemë deri sa pjesa sipër të marrë ngjyrë kafe të errët. E lemë të ftohet për rreth 20 minuta dhe e presim në copa. I hedhim sipër pluhurin e arrave.

Përgatisim shërbetin duke zier përbërësit. Shërbeti hidhet i nxehtë ndërkohë që shëndetlija duhet e ftohtë. Para se të shërbehet lihet të paktën për 8 orë që të ëmbëlsohet mirë.