Shqeto Përmeti ( Receta gatimi nga Natasha Velia )
Përbërësit
400 gr mish qengji ose keci
200 ml qumësht
2 të verdha veze
30 gr gjalp
2 lugë gjelle miell
1 tufë mandjanoz
limon (ose limontos)
kripë
piper
Përgatitja
1
Kaurdisim mishin me pak gjalp e vaj, i hedhim kripë e ujë dhe e lemë të ziej deri sa të jetë gati.
2
E kullojmë lëngun dhe e hedhim në tenxhere bashkë me mishin. Ne një tigan hedhim pak gjalp dhe miellin e kaurdisim shumë pak, jo të verdhet, e heqim nga zjarri dhe e tresim me qumështin në një tas, këtë e hedhim në një tenxhere dhe e lemë në zjarr të ngadalët.
3
Në një tas marim të verdhat e vezëve, u hedhim limon ose limontos, i rrahim duke i hedhur nga lëngu i mishit në mënyrë që ëe mos na pritet veza, e hedhim në tenxhere dhe e lemë në zjarr sa të kthej valë dhe e heqim.
4
Grijmë mandjanozin, e hedhim në tenxhere dhe mbi të i hedhim gjalpin e mbetur.
