Përbërësit

  • 2 kg gështenjë
  • 1.5 kg sheqer
  • 2 dl rum
  • kripë e trashë

Hapat

  1. Hapni secilën prej gështenjave me majën e thikës.
  2. Hidhini në një enë të madhe për t’i zjerë duke i mbuluar me ujë. Shtoni një lugë të vogël me kripë të trashë dhe lërini të ziejnë të mbuluara për 40 minuta.
  3. Pasi të kenë zierë, hapini dhe pastrojini nga lëkura.
  4. Shtypini në një enë me lugë ose mund t’i kaloni në frulator.
  5. Më pas, masën e brumit përftuar prej tyre kalojeni në një tjetër enë ku do të shtoni edhe 2 gota ujë bashkë me sheqerin.
  6. Vazhdojeni zierjen për gjysmë orë gjithnjë duke përzier. Në 10 minutat e fundit përpara se ’a hiqni nga zjarri, shtoni rumin.
  7. Lëreni të ftohet dhe konservojeni në enë qelqi./shekulli/