Fshati Drashovicë

Fshati Drashovicë

Fshati Drashovicë është fshat kodrinor dhe ka një popullsi rreth 2000 banorë.

Fshati Drashovicë shtrihet në jug të qytetit të Selenicës, rreth 20 km nga qendra e Bashkisë dhe rreth 15 km nga qyteti i Vlorës, buzë lumit Shushicë.

Në lindje ndodhet memoriali i luftës së 1920 dhe 1943, në perëndim në lartësinë 200 m mbi nivelin e detit, ndodhen rrënojat e fshatit të vjetër.

Në majë të fshatit të vjetër ndodhen rrënojat e Manastirit të Kllogjerit.

Në këtë fshat gjenden edhe monumente natyrore, të cilat mbrohen nga shteti, gjithashtu në majë të tij gjendet xhamia e fshatit të vjetër të Drashovicës, në gjendje gjysëm të rrënuar.

Drashovica ka një sipërfaqe rreth 10 km2  dhe rreth 500 ha tokë bujqësore, e cila është e gjitha nën ujë.

Shoqata Labëria ndodhet me bazë në fshatin Drashovicë dhe është një vlerë sociale për të gjithë krahinën e Lumit të Vlorës.

Pozicioni gjeogafik , afërsia me rrugën nacionale, vlerat kulturore dhe historike e bëjnë këtë fshat një atraksion përturizmin familjar dhe atë kulturor.

Si të arrish në Drashovice

Largësia: 167 km larg Tiranës Koha: 3 orë

Çfarë të shohësh

• Lumi Shushicë (ndodhet në fshatin Drashovicë)
• Ura e Drashovicës (ndodhet në fshatin Drashovicë)
• Gurorja e Drashovicës (ndodhet në fshatin Drashovicë)
• Manastiri i Kllogjerit (ndodhet në fshatin Drashovicë)
• Xhamia e fshatit të vjetër (ndodhet në fshatin Drashovicë)
• Rrepet e Drashovicës (ndodhet në fshatin Drashovicë)

Si të argëtohesh

• Të gatuarit e ushqimeve tradicionale dhe lokale
• Praktika tradicionale fermerësh
• Mbledhje bimësh medicinale
• Të lëvizurit me kalë, mushkë ose gomarë
  • Aktivitete që zhvillohen:

Kultivohen gjerësisht vreshtaria, pemëtaria, si dhe të gjitha kulturat bujqësore. Kultivimi i ullirit është një traditë e vjetër, e trashëguar në breza, ku dhe investimet e fermerëve në këtë kulturë janë të konsiderueshme. Gjithashtu fshati ka një numër të lartë krerësh bagëtish të imëta dhe gjedhëve. Shquhet dhe për prodhime të pijeve alkoolike si: vera dhe rakia. Janë rreth 50.000 kultivues ulliri, që përbëjnë një aset të rëndësishëm ekonomik të këtij fshati, në funksion të këtij produki në këtë fshat ndodhet një linjë e prodhimit të vajit të ullirit me standarte të kohës. Një pasuri e madhe e këtij fshati është edhe polifonia labe.

  • Infrastruktura turistike në dispozicion:

Në përgjithësi infrastruktura turistike është e dobët, duke e bërë mjaft të vështire vizitën dhe orientimin e një turisti në këtë fshat.

Previous articleFSHATI KANINË
Next articleFSHATI DHËRMI

Related Articles

Stay Connected

21,992FansLike
3,443FollowersFollow
0SubscribersSubscribe

Latest Articles