Disneyland-i i Hong Kongut, i cili u rihap më 18 qershor, po mbyllet sërish pasi Hong Kongu shtrëngoi masat e tij për distancimin shoqëror pas një rritjeje të 52 rasteve të reja të koronavirusit në qytet.
Parku Disneyland i Hong Kongut do të mbyllet përkohësisht nga 15 korriku, megjithatë, hotelet në resortin e Hong Kong Disneyland do të mbeten të hapura.
Hong Kong Disneyland fillimisht u mbyll për shkak të virusit më 26 janar. Ai u rihap më 18 qershor me kapacitet të kufizuar dhe masa të tjera sigurie, duke përfshirë kontrollet e temperaturës për vizitorët dhe punonjësit.
Rimbyllja e Hong Kong Disneyland vjen disa ditë pasi kompania hapi vendpushimin e saj më të rëndësishëm: Walt Disney World, i vendosur në Orlando, Florida. Vendpushimi u hap të shtunën e kaluar pavarësisht një numri në rritje të rasteve në Florida.
Shanghai Disneyland u rihap më 11 maj.
Disa parqe Disney në Japoni, Tokio Disneyland dhe Tokyo DisneySea, u rihapën më 1 korrik.
Disneyland Paris është planifikuar të rihapet të mërkurën, më 15 korrik.
Disney gjithashtu planifikon të rihapë dy parqe të tjera tematike në Florida, Epcot dhe Hollywood Studios, të mërkurën, më 15 korrik.
Sidoqoftë, nuk ka asnjë datë hapjeje të disponueshme për parkun e kompanisë në Kaliforni në Anaheim pas një rritje të numrit të rasteve të koronavirusit në Kaliforni dhe shqetësimeve të sigurisë së disa punonjësve të Disneyland në Disneyland Resort.
