FSHATI RUSAN

FSHATI RUSAN

Fshati Rusan ndodhet në pjesën veri-perëndimore të qytetit të Delvinës dhe ka një popullsi 1050 banorë.

Fshati Rusan shtrihet rrëzë malit të Katalatit me një sipërfaqe prej 0.9 km2.

Fshati ka marrë emrin prej kishës së vjetër të Rozalisë.

Në qendër ndodhet xhamia e vjetër e Gjin Aleksit, e përbërë nga një kompleks arkitektonik së bashku me dy tyrbe.

Për shkak të pozicionit gjeografik në të cilin ndodhet, vlerave të larta natyrore dhe aspekteve të shumta historike e kulturore që ndërthuren në të, fshati gëzon një potencial të konsiderueshëm turistik.

Në fshat ndodhet gjithashtu dhe liqeni artificial, me një sipërfaqe 3.2 ha dhe me kapacitet prej 200 000 m3, i cili është një pasuri ujore tepër e rëndësishme për zonën.

Trashëgimia kulturore është një vlerë e përcjellë brez pas brezi.

Ky territor ka qënë i populluar që në kohët më të herëshme, prandaj nuk mungojnë dhe monumentet e kulturës.

Si të arrish në Rusan

Largësia: 305 km larg Tiranës Koha: 4 orë e 50 minuta

Çfarë të shohësh

• Xhamia e Gjinaleksit (ndodhet në fshatin Rusan)
• Liqeni artificial i Rusanit (ndodhet në fshatin Rusan)
• Rrepet shekullore (ndodhet në fshatin Rusan)
• Banesa e Alush Gizdarit (ndodhet në fshatin Rusan)

Ku mund të drekosh

Bar-Kafe cel: 0694234809

Si të argëtohesh

• të gatuarit e ushqimeve tradicionale lokale dhe degustimi
• vrojtimi i kafshëve, shpendëve dhe zogjve
• praktika tradicionale fermerësh (bujqësi, blegtori dhe agropërpunim)
• mbledhje bimësh medicinale, kërpudhash ose frutash të egra
• të lëvizurit me kalë, mushkë ose gomar
• ngjitje shkëmbi, ngjitje me litarë (ose zbritje)
• ecje, ngjitje, çiklizëm malor, kajak, rafting, kalime në kanione, ski
  • Aktivitete që zhvillohen:

Bujqësia, blegtoria dhe vreshtaria janë burimet kryesore ekonomike të zonës. Fshati ka kushte klimatiko – tokësore shumë të përshtatshme për kultivimin e të gjitha llojeve të kulturave bujqësore (vreshta, pemishte, ullishte, agrume, kultura agrare etj.), si dhe shtimin e një sërë kategorish të kafshëve bujqësore. Produktet kryesore vendase janë rakia, vera, mjalti, vaji i ullirit, perimore dhe fruta të ndryshme Një karakteristikë tjetër është pasuria rajonale e bimëve medicinale, ku një pjesë  e mirë  e  banorëve  merren  me   vjeljen  e  bimëve medicinale si: sherebela, çaji dhe murizi. Ekziston potencial për zhvillimin e turizmit rural, por ende nuk mund të thuhet se ka një zhvillim real të tij.

  • Një kuriozitet rreth fshatit Rusan:

Në fshat gjendet një kompleks religjioz që ka shërbyer si xhami. Quhet Xhamia e Gjinaleksit. Ky objekt kulti fetar, ka një histori të çuditshme dhe krejt të veçantë. Fillimisht është ndërtuar si kishë në vitin 1230 nga vëllezërit Gjin dhe Aleks. Më vonë u shndërrua në xhami dhe në vitin 1700 iu shtua edhe minarja. Më vonë u shtuan edhe katër tyrbe, që e rrethojnë këtë kompleks. Interesantja dhe e veçanta e kësaj “Kishe-xhami”, qëndron se aty bashkëjetojnë tre besimet fetare: ortodoksja, myslimanizmi dhe bektashizmi.

Previous articleFSHATI TRAGJAS
Next articleFSHATI LAZARAT

Related Articles

Stay Connected

21,992FansLike
3,434FollowersFollow
0SubscribersSubscribe

Latest Articles