Fshati Kozare është fshati më i vjetër i Njësisë Administrative Kozare. Në kete fshat lumi Devoll bashkohet me ujërat e lumit Osum për të krijuar lumin Seman.
Fshati Kozare dallohet për mjedise natyrore dhe mjedisore mbresëlënëse. Pylli përgjatë lumit është i përbërë nga plepa, shelgje dhe rrape të shumtë.
Ai njihet për traditat artistike dhe folklorike të cilat i dhanë jetë Ansamblit Folklorik Kozare që në vitin 1962.
Gjithashtu traditat në qëndistari dhe të tjera punime artistike me dorë, janë përcjellë brez pas brezi.
Zona e Fshatit Kozare ka një popullsi rreth 730 banorësh dhe 202 familje.
Komuna e Kozares ndodhet në pjesën veriperëndimore të qytetit të Kuçovës. Qëndra e saj është fshati Havaleas rreth 3 km larg qytetit. Kjo komunë ka një popullsi rreth 8.000 banorë dhe përbëhet nga fshatrat: Kozare, Fier Mimarë, Salcë Kozare, Vlashuk, Zdravë, Gegë, Frashër, Demollarë, Ferras Kozare.
Në hapësirën gjeografike të komunës së Kozares gjendet edhe rezervuari i Fier Mimarit që mban nën ujë rreth 400 ha tokë. Përveç kultivimit të produkteve bujqësore, Kozara dallohet edhe për terrenin naftëmbajtës. Në territorin e saj, Ndërmarrja e Nxjerrjes së Naftës ka pothuajse fondin më të madh të puseve për rajonin e Kuçovës. Mendohet që fshati i Kozarës të jetë mjaft i hershëm gjë që e dëshmon kisha e fshatit Salcë-Kozare. Sot Kozarja ka shkollë të mesme të përgjithshme dhe shumë objekte të tjera që lidhen me biznesin dhe agro-industrinë e kësaj komune.
Si të arrish
Largesia: 4 km larg Kuçovës
Koha: 5 – 10 minuta
