Nevojiten (për 4 persona):
– 500 g qershi
– 60 g çokollatë për gatim
– 4 vezë
– 200 g sheqer
-120 g miell
– 30 g kakao pluhur
– 2 të bardhë të vezëve
– 200 g djathë krem
– kripë.
Përgatitja:
1. Brumi: Copëtohet çokollata dhe shkrihet në avull. Tunden vezët me 80 g sheqer, bëhet një shkumë ngjyrë çelur. Pastaj kësaj shkume shtohen mielli, 20 g kakao pluhur, çokollata e shkrirë dhe fare pak kripë. Kjo masë e përzier mirë derdhet në enë dhe piqet rreth 20 minuta në temperaturë prej 180°C.
2. Qershitë pastrohen, u hiqen bërthamat dhe zihen 20 minuta me 100 g sheqer, me kanellë dhe me 2-3 lugë ujë. Lihen për t’u ftohur.
3. Miksohen të bardhët e vezëve me pjesën tjetër të sheqerit dhe përzihen me djathë. Merren 4 gota në formë kubeje. Nga brumi i pjekur priten 12 disqe me perimetër të gotave dhe në fund të secilës gotë vihet nga një disk. Stërpiken me gjysmën e sasisë së shurupit, në të cilin janë zier qershitë, si dhe renditet nga një shtresë e qershive të ziera.
Pastaj, vihen edhe nga një disk, edhe këta stërpiken me shurup. Mbi të qitet një shtresë e kremit të djathit, pastaj vendoset edhe disku i tretë, mbi të hidhet pluhuri kakao dhe dekorohen me djathin krem dhe me qershitë e ziera.
