Kungulleshkat pastrohen, lahen dhe u hiqet zemra pastaj mbushen. Në një enë me yndyrë kaurdisen qepët e grira, pastaj shtohet orizi, kaurdiset 5-6 minuta, hidhen domatet e qëruara të prera në copa të vogla, kripë, piper, dhe pas pak ujë me sasi sa dyfishi i sasisë së orizit. Mbushja zien derisa orizi ta thithë krejt lëngun dhe të bëhet i shkrifët. Pastaj hiqet nga zjarri, përzihet me koper të grirë dhe ftohet pak. Me këtë masë mbushen kungulleshkat të cilave mund t’u hidhet salcë beshamel ose e kuqe.
Për 4-5 persona duhen:
kungulleshka 1 kg, qepë 2-3 kokrra, oriz 1 filxhan çaji, vaj 2 filxhanë kafeje, domate 3-4 kokrra ose salcë një lugë gjelle, kripë piper.
