Japonia ka të ngjarë të lehtësojë kufizimet e COVID-19 për njerëzit që vijnë nga Kina pasi shkalla e rasteve pozitive tek udhëtarët është ulur kohët e fundit, thanë mediat lokale të enjten.
Qeveria e kryeministrit Fumio Kishida pritet të lehtësojë kontrollet kufitare për njerëzit që vijnë nga Kina deri në fund të këtij muaji dhe të marrë një qasje më selektive për testimin e pasagjerëve, njoftoi Agjencia e Lajmeve Kyodo, duke cituar burime zyrtare të paidentifikuara.
Muajin e kaluar, kufizimet u vendosën nga Japonia dhe disa vende të tjera, duke përfshirë nevojën që udhëtarët nga Kina të kenë teste negative për COVID-19.
Në shenjë hakmarrjeje, Pekini pezulloi lëshimin e vizave qytetarëve japonezë, të cilën e rifilluan më vonë.
Pekini gjithashtu ka pezulluar dhënien e vizave afatshkurtra për shtetasit e Koresë së Jugut për qëllime vizitash, biznesi, turizmi, mjekësore dhe tranziti.
Përveç Japonisë, SHBA, Britania e Madhe, Italia, Spanja, Franca, Maroku, Katari, Kanadaja, Greqia, Malajzia, Finlanda dhe Holanda kishin kufizimet e vendosura për udhëtarët që vijnë nga Kina, duke përfshirë një kërkesë për rezultate negative të testit COVID-19.
Kina hodhi poshtë politikën e saj “zero-COVID” muajin e kaluar, duke lejuar udhëtime të plota ndërkombëtare.
Në ditën e parë të rifillimit të udhëtimit të plotë ndërkombëtar, Kina mirëpriti mijëra udhëtarë.
Burimi: AA
