Category: Travel

TIRANË, 9 Shkurt/ATSH/.- Kryeministri Edi Rama falënderoi sot qytetarët që denoncuan për ndërtimin e HEC-it mbi kanionet e Osumit dhe i siguroi ata se Kanionet e Skraparit nuk preken.

“Qyshse u krye procedura ligjore e miratimit të një lejeje të dhënë nga qeveria e mëparshme dhe u mor sinjali se diçka nuk shkonte, Ministri i Mjedisit Blendi Klosi nisi hetimin administrativ të lejes mjedisore, e cila rezultoi një fabrikim kriminal me koordinata të manipuluara. Individët e përfshirë në këtë fabrikim do të kallëzohen në prokurori, ndërsa e gjithë procedura do të anullohet”, shkruan Rama në një postim në rrjetin social Facebook.

Duke falenderuar qytetarët që e çuan të parët këtë sinjal përmes Platformës së Bashkëqeverisjes shqiperiaqeduam.al dhe të gjithë të tjerët që u përfshinë në publikimin e këtij krimi të mbetur në tentativë, Rama thekson se asnjë qeveri askund në botë nuk është e pagabueshme, por qeveritë dallojnë nga mënyra sesi reagojnë, qoftë kur gabojnë apo qoftë si në këtë rast, kur padashje mund të jenë duke gabuar.

“Ndjesë kujtdo që me të drejtë u shqetësua apo pikëllua nga lajmi i keq i prekjes së Kanioneve Magjike dhe mezi pres të rikthehem atje, në duart e djemve e vajzave të mrekullueshme të Federatës Shqiptare të Raftingut”, shprehet Rama.

Të cilësuara si “Koloradot” shqiptare kanionet e Osumit, në Skrapar, po tërheqin gjithnjë e më shumë turistët e aventurës në vendin tonë. Pamjet mbresëlënëse të natyrës në këtë kanion e bëjnë atë një nga më tërheqësit në rajonin e Ballkanit. Kanioni është krijuar prej forcave gërryese dhe tretëse të lumit Osum, të ushtruara në masën shkëmbore gëlqerore të strukturës antiklinale të Çorovodës dhe është rreth 13 km i gjatë, nga 4 deri në 35 m i gjerë, i thellë deri në 70-80 m, me shpate vertikale. Koha e formësimit të tij mendohet të jetë 2 deri në 3 milionë vite më parë./k.s/ /a.g/

TIRANË, 9 shkurt /ATSH/ – Shqipëria mund ta parakalojë Serbinë në rrugën drejt anëtarësimit në BE, shkruan gazeta e njohur britanike ”Financial Times”.

Në një editorial kushtuar zgjerimit të BE-së, kjo gazetë nënvizon faktin se ”unioni nuk duhet të zmbrapset (nga premtimi për anëtarësimin e Ballkanit Perëndimor – shën. i përkth.) pasi, në të kundërt, Rusia dhe Turqia do të mbushin këtë boshllëk”.

“Pas një pauze të gjatë, BE ka dëshirë të flasë sërish për zgjerimin e kufijve të saj. Vitin e kaluar, presidenti i KE-së, Jean-Claude Juncker premtoi t’u ofrojë gjashtë vendeve të Ballkanit Perëndimor një perspektivë të besueshme për anëtarësimin në BE”, shkruan gazeta.

“Mbetet në interesin e të gjithëve për të dhënë parashikime realiste për shtetet e Ballkanit, ndërkohë që janë të shumtë ata që dyshojnë në sinqeritetin e BE-së, pas viteve të tëra pritjeje përballë dyerve të mbyllura”, shton ajo.

“Premtimi i BE-së për anëtarësim ka qenë një nxitje kryesore për qeveritë ballkanike për të marrë vendime të vështira… Por, ka ende shumë rrugë për të bërë dhe ndikimi i BE-së po ulet. Vetëm 26% e serbëve mendojnë tani se anëtarësimi në BE është një gjë e mirë”, shkruan ”Financial Times”.

”Sidoqoftë, asnjë nga gjashtë vendet e Ballkanit Perëndimor nuk i ka plotësuar kushtet e anëtarësimit”.

”Dhe, përderisa KE ka shprehur qartë se progresi drejt integrimit do të matet mbi bazën e meritave dhe, teorikisht çdo shtet mund të parakalojë kryesuesit aktualë në garë (Mali i Zi dhe Serbia), atëhere ajo merr në konsideratë përpjekjet e bëra kohët e fundit, për shembull, nga vende si Shqipëria, çka u përgjigjet dyshimeve për favorizim, në veçanti, të Serbisë”, thekson gazeta e njohur britanike ”Financial Times”./ a.jor.

TIRANË, 9 Shkurt/ATSH/.- Një destinacion perfekt mesdhetar për këtë vit, me një natyrë të bukur ku mund të ecni në Alpet shqiptare në një lartësi prej më shumë se 2000 metra dhe të notoni në ujërat e thella dhe të kristaltë të bregut të Shqipërisë.

Kështu thuhet në një shkrim të botuar në revistën e udhëtimit të Klubit gjerman të automobilave “ADAC Motorwelt”, me titull “Trendet e destinacioneve për 2018: Këshilla për planifikimin e pushimeve tuaja”, e cila i sugjeron lexuesve të saj Shqipërinë si një destinacion perfekt për 2018.

“Ecje dhe ngjitje. Edhe këtu mund të luajë fantazia: Malet e Larta në verilindje të Shqipërisë me formacionet e tyre shkëmbore të lënë pa frymë, liqenet akullnajore në ngjyrën e naftës dhe luginat duken si një peizazh përrallash. Prandaj, janë ende një sugjerim i privilegjuar për ekskursione më të shkurtra ose më të gjera”, theksohet në shkrim.

“Por vendi i vogël në Gadishullin Ballkanik gjithashtu është një destinacion për plazh gjatë verës, mbi të gjitha për familjet që janë të mbipopulluara me destinacionet klasike të Mesdheut: Në Rivierën Shqiptare, përgjatë një distance prej më shumë se 100 kilometra mes qyteteve portuale të Sarandës dhe Vlorës në Detin Jon nuk ka komplekse të mëdha hoteli, por bujtina dhe hostele të përballueshme. Rrjedhimisht, ajo është e njohur për plazhet përrallore, të tilla si i ai i njohuri me emrin Ksamil”, shkruhet në revistën e udhëtimit të Klubit gjerman të automobilave “ADAC Motorwelt”.

Si një destinacion turistik i njohur për shumë turistë nga shumë vende të botës, Shqipëria vazhdon të tërheqë vëmendjen dhe kureshtjen e shumë turistëve dhe vizitorëve të huaj, të cilët rezervojnë udhëtime turistike në qytete të ndryshme të Shqipërisë përgjatë sezonit veror dhe dimëror./k.s/ /a.g/

TIRANË, 11 Shkurt/ATSH/.- Një destinacion perfekt mesdhetar për këtë vit, me një natyrë të bukur ku mund të ecni në Alpet shqiptare në një lartësi prej më shumë se 2000 metra dhe të notoni në ujërat e thella dhe të kristaltë të bregut të Shqipërisë.

Kështu thuhet në një shkrim të botuar në revistën e udhëtimit të Klubit gjerman të automobilave “ADAC Motorwelt”, me titull “Trendet e destinacioneve për 2018: Këshilla për planifikimin e pushimeve tuaja”, e cila i sugjeron lexuesve të saj  Shqipërinë si një destinacion perfekt për 2018.

“Ecje dhe ngjitje. Edhe këtu mund të luajë fantazia: Malet e Larta në verilindje të Shqipërisë me formacionet e tyre shkëmbore të lënë pa frymë, liqenet akullnajore në ngjyrën e naftës dhe luginat duken si një peizazh përrallash. Prandaj, janë ende një sugjerim i privilegjuar për ekskursione më të shkurtra ose më të gjera”, theksohet në shkrim.

“Por vendi i vogël në Gadishullin Ballkanik gjithashtu është një destinacion për plazh gjatë verës, mbi të gjitha për familjet që janë të mbipopulluara me destinacionet klasike të Mesdheut: Në Rivierën Shqiptare, përgjatë një distance prej më shumë se 100 kilometra mes qyteteve portuale të Sarandës dhe Vlorës në Detin Jon nuk ka komplekse të mëdha hoteli, por bujtina dhe hostele të përballueshme. Rrjedhimisht, ajo është e njohur për plazhet përrallore, të tilla si i ai i njohuri me emrin Ksamil”, shkruhet në revistën e udhëtimit të Klubit gjerman të automobilave “ADAC Motorwelt”.

Si një destinacion turistik i njohur për shumë turistë nga shumë vende të botës, Shqipëria vazhdon të tërheqë vëmendjen dhe kureshtjen e shumë turistëve dhe vizitorëve të huaj, të cilët rezervojnë udhëtime turistike në qytete të ndryshme të Shqipërisë përgjatë sezonit veror dhe dimëror./k.s/ /a.g/

TIRANE, 11 Shkurt/ATSH/- Ish kapiteni Lorik Cana, nën drejtimin e të cilit kombëtarja shqiptare u kualifikua për herë të parë në kampionatin europian të futbollit në vitin 2016, i është bashkuar zyrtarisht edhe Agjencisë Kombëtare të Turizmit, për të promovuar Shqipërinë turistike.

Në një prononcim për ATSH-në, Cana thotë se është detyrë e secilit shqiptar të promovojë vendin.

Çdo arritje në sport apo art, thotë ai, i shërben promovimit të Shqipërisë, por tani shton Cana, në bashkëpunim me Agjencinë Kombëtare të Turizmit do të punojmë për një prezantim më të gjerë vendit.

“Tashmë Shqipëria po njihet gjithnjë e më shumë. Ka ende shumë njerëz jo vetëm në kontinente të tjera, por edhe në Europë që nuk e dinë ende ku ndodhet Shqipëria, nuk e dinë që ndodheni ne qendër të Europës, çfarë ofron qoftë në fushën e kulturës, të trashëgimisë, të turizmit, si në turizmin e verës apo të dimrit, pak njohin Alpet shqiptare. Arritjet sportive dhe ato në art padyshim i ngrenë ‘zërin’ Shqipërisë dhe e vendosin atë në hartën e botës”, shprehet ai.

Bashkë me AKT-në jemi një skuadër, thotë Cana, dhe po punojmë për të treguar bukuritë e natyrës shqiptare, trashëgiminë kulturore, gjuhën e më tej. “Kjo është detyra e secilit prej nesh”, deklaron ish kapiteni Cana.

/a.gjonaj/ /a.g/

-Bashkia Pukë nis punën për projektet që do të transformojnë zonën-

TIRANE, 11 Shkurt/ATSH/- E përfshirë në projektin “100 fshatrat”, Qelza në bashkinë  e Pukës, tashmë duket se mbi atë çfarë vetë na

tyra i ka falur, po përjeton dhe rikthimin e shpresës, e bashkë me të edhe  rikthimin e banorëve që e braktisen.

Një atraksion turistik ku ndërthuren malet e larta, luginat, pasqyra ujore e liqenit të Komanit buzë brigjeve të të cilit qëndrojnë ende kullat shekullore të mbuluara me rrasa prej guri, Qelza pritet të kthehet në një prej destinacioneve të njohura për turistët.

Bashkia e Pukës menjëherë pas vendimit të qeverisë për këtë projekt të rëndësishëm, ka filluar punën në terren për hartimin e projekteve të infrastrukturës, të cilat sipas kreut të bashkisë, Gjon Gjonaj i jep start ëndrrës së kahershme të pukjanëve.

Në një prononcim për ATSH, kryebashkiaku Gjonaj deklaron se ka filluar puna në terren ku po bëhet një studim i hollësishëm i zonës, ndërkohë që është ngarkuar një grup specialistësh urbanist për hartimin e projekteve.

“Jam i lumtur pasi sapo kjo zonë u përfshi në projektin “100 fshatrat”,  banorët e larguar nga kjo mrekulli natyrore, thjesht dhe vetëm si pasojë e harresës që ju është bërë prej vitit 1990, kanë filluar të interesohen për t’u kthyer.  Kam shumë besim se me investimet e planifikuara do i japim jetë jo vetëm zonës, por do krijojmë një atraksion të veçantë turistik për turistët, të cilët  edhe në këto kushte e kanë vizituar zonën”, thotë kryebashkiaku i Pukës.

Këtu, thotë ai, janë në harmoni të plotë, malet e larta, lumi, lëndina që ndërthuren në formën e pllajava mes këtyre lartësive, pjesë e të cilave janë kullat karakteristike të mbuluara me rrasa guri, e mbi të gjitha pasqyra ujore e liqenit të Komanit thik mbi të cilin ndodhen dhe shpellat mistike plot legjenda, të cilat aq shumë tërheqin turistët e huaj”.

Investimet që do të transformojnë këtë zonë

Rikonstruksion i rrugës Qelez –liqeni Komanit  si dhe  rikualifikimi urban i territorit të qendrës së fshatit Qelez, janë dy prej projekteve kyç që Bashkia e Pukës do të investojë për rigjallërimin e kësaj zone.

Projekti i investimeve nga Bashkia Pukë do të vijojë me tej me rehabilitimin e urave ekzistuese në fshatin Qelëz, rehabilitimi i ambienteve të jashtme të shkollës mesme dhe të qendrës shëndetësore, ndërtimin e rrjetit të kanalizimeve të ujërave të zeza dhe ITUP (sistemi i rrjetit të telefonisë, internetit dhe fibrave optik në luginën e Qelëz), përmirësimin dhe rehabilitimin e rrjetit të furnizimit me ujë të pijshëm si dhe rehabilitimi i rrjetit të furnizimit me energji elektrike.

Gjithashtu, Bashkia Pukë do të rehabilitojë kullat tradicionale, mullinjtë tradicionalë tipike për këtë zonë, fuqizimin e shërbimeve të zyrës së informacionit turistik, ndërtimin e qendrës së grumbullimit dhe përpunimit të produkteve autoktone vendase (thertore, baxho, dhoma frigoriferike, përpunim dhe paketim etj), përmirësimin e shërbimeve ndaj qytetarëve përmes ngritjes së zyrës me një ndalesë në Qelëz, përmirësimin e menaxhimit të mbetjeve urbane, ndërtimin e fortifikimeve përgjatë bregut të lumit dhe pyllëzimin me qëllim parandalimin e efekteve të erozionit, përmirësim dhe pajisja me sinjalistikën e posaçme të shtigjeve për këmbësorët, promovimin e shërbimeve të turizmit rural në fshatin Qelës, krijimin e qendrës së artizanatit në Qelëz si dhe restaurimin e banesave të fshatit Buzhalë dhe vënia në funksion e një muzeu për vizitorët.

Banorët e zonës e mirëpresin këtë nisëm, ndërsa të larguarit kanë filluar të mendojnë për tu rikthyer në shtëpitë e braktisura në bujtina përmes subvencioneve të përcaktuara nga qeveria, në kuadër të këtij projekti.

Kryebashkiaku Gjonaj thotë për ATSH se ndërtimi i rrugës Qelëz Brigjet e Liqenit të Komanit, do e kthejë këtë zonë të virgjër ndër më të vizituarat në veriun shqiptar, teksa një ndër  elementët ku kërkohet ndërhyrje e menjëhershme është  dhe rrjeti i amortizuar elektrike, pasi rikonstruksionit të të cilit mund të nisin dhe investimet e tjera.

Qelza pritet që të ofroj një larmishmëri të veçantash për turistët, që nga plazhi ditore, pushimi në kullat karakteristike si rrallë kund në ndonjë vend tjetër, vizitat në shpellat  plot  legjenda, si dhe lundrimin për gjatë bukurive përrallore të liqenit të Komanit, pa lënë pas gatimet tradicionale që aq shumë tërheqin turistët e huaj./a.gegvataj/