Category: Shëndeti

Por vlera edhe më të mëdha dhe mirëbërëse për organizmin ka lëkura e patates, e cila gabimisht përfundon në koshin e plehrave. Në lajmin më poshtë do të mësoni përfitimet e mëdha që mbart lëkura e patates, mënyrat e përdorimit të saj si dhe përse nuk duhet ta hidhni kurrë. Për personat që vuajnë nga diabeti, problemet me zemrën, niveli i lartë i kolesterolit në gjak rekomandohen gatime apo ushqime të përgatitura me lëngun e lëkurave të patates.

Ndihmon për Rënien në Peshë
Lëkura e patates përmban sasi shumë të vogla yndyrnash, vitaminash dhe mineralesh të cilat ndikojnë në mbajtjen e trupit në formë.

Forcon Imunitetin
Lëkura e patates është jashtëzakonisht e pasur me vitaminë C dhe vepron si një antioksiduese e fortë. Krahas kësaj, lëkura e patates përmban vitaminën B kompleks ashtu si edhe kalçium, të cilët luajnë një rol të rëndësishëm në përmirësimin e aktivitetit të sistemit imuntar.

Ul nivelin e kolesterolit në gjak
Përmbajtja e lartë me fibër e kombinuar me antioksidantët dhe polifenolet ndikon në reduktimin e sasisë së kolesterolit në gjak. Sipas të dhënave për personat që vuajnë nga niveli i lartë i kolesterolit në gjak, këshillohet të konsumojnë patate të gatuara me gjithë lëkurë.

Ul rreziqet e problemeve me zemrën
Lëkura e patates është gjithashtu e pasur me kalium, një mineral esencial dhe i rëndësishëm për shëndetin e zemrës. Ato ndihmojnë në minimizimin e prekjes së zemrës nga sëmundje të ndryshme dhe përmirësojnë aktivitetin e saj.

Për nivelin e sheqerit në gjak
Një nga vetitë e mira të lëkurës së patateve është ruajtja e nivelit të sheqerit në gjak. Konsumimi i lëkurës së patateve ndikon pozitivisht edhe në parandalimin e diabetit të tipit 2.

Kundër djegieve në Lëkurë
Sipas të dhënave lëkura e patates mund të përdoret edhe si kura natyrale kundër djegieve të vogla të lëkurës. Mjafton të vendosni copëza të lëkurës së patates nga ana e tulit mbi zonën e djegur dhe ajo të qetësohet menjëherë.

Si t’i pastroni
Para se të nisni përdorimin e lëkurës së patateve AgroWeb.org ju këshillon që të kujdeseni më parë që kokrrat e patateve t’i pastroni mirë me ujë me sodë dhe më pas t’i lani me ujë të rrjedhshëm. Uji me sodë është mënyra më praktike për të larguar të gjitha papastërtitë e lëkurës së patates duke e pastruar atë rrënjësisht.

Përgatitja dhe përdorimet
Lëngu i lëkurave të patateve përgatitet krejt lehtë. Mjafton t’i vendosni lëkurat e 5-6 patateve mesatare me 1.5 kg ujë në një tenxhere dhe lërini të ziejnë përreth 20 minuta. Mënyra më e mire për të përfituar vlerat e lëngut të lëkurave të patates është ta përfshini atë në gatime të ndryshme, siç është përgatitja e supave dhe gjellrave të ndryshme, përgatitja e bukës së shtëpisë apo edhe ëmbëlsirave. Në rastin e brumit të bukës, lëngu i patateve zëvendëson ujin dhe e bën bukën edhe më të shëndetshme por edhe ndikon që buka të fryhet dhe të jetë më e butë. Në rastin e përgatitjes së ëmbëlsirave, lëngu i patatesh zëvendëson qumështin./AgroWeb

Top Channel

Një studim i fundit, doli në përfundimin se njerëzit duhet të hanë të paktën tetë arrra në ditë. Sipas të dhënave, konsumi i arrorëve parandalon sëmundjet e zemrës diabetin e tipit 2 dhe pandalon radikalet e lira. Në veçanti, ngrënia e tetë arrave në ditë ju mbron nga sëmundjet e zemrës.

Ndaj ato konsiderohen si një ndër ushqimet më të shëndetshme për njeriun. Përveç të pasurit shumë antioksidantë, arrat përmbajnë fibër, proteinë, vitamina dhe minerale.

Shëndeti Mendor, Antioksidantët Dhe Arrat
Një nga aspektet më interesante të arrave, është roli i tyre në përmirësimin e shëndetit mendor. Arrat ndezin plot tridhjetë transmetues nervorë për trurin. Një studim amerikan, analizoi përmbajtjen e antioksidantëve të 10 arrorëve të ndryshme.

Nga të dhënat autorët e studimit zbuluan se arrat ishin më të pasur se kikirikët, bajamet, fistikët dhe arrorë të tjerë. Sipas tyre, antioksidantët që gjenden tek arrat janë 15 herë më të fuqishëm se vitamina E. Njerëzit i shmangin arrat me idenë se ato përmbajnë yndyrna. Por këto yndyrna janë polio-të-pangopura dhe mono-të-pangopura të cilat mbrojnë enët e gjakut.

Shkencëtarët amerikanë shpjeguan se mjaftojnë tetë arra në ditë për të marrë përfitimet maksimale. Sipas tyre, duke ngrënë tetë arra para buke, njeriu mund të humbë peshën e tepërt, sepse arrat nxisin ndjesinë e ngopjes afatgjatë. Duke konsumuar tetë arra çdo ditë me stomak bosh, pra para ngrënies, njeriu do të përfitojë proteinë dhe minerale të nevojshme. Arrat janë të pasura me kalium, magnez, fosfor, hekur, vitaminë C dhe B, të cilat e mbajnë organizmin të fortë e të shëndetshëm./AgroWeb

Top Channel

Njihen si antioksidantë shumë të mirë, ndihmojnë në shëndetin e mirë të zemrës dhe mbrojnë kockat. Secili prej çajrave që tregtohet sot në botë ka vetitë e tij të mira për shëndetin. Një prej tyre mjekët e veçojnë, si për llojin ashtu dhe për ndihmën specifike që i jep organizmit. Në këtë artikull do të mësoni se cili është më çaji më i vlefshëm në luftën me bakteret e këqija.

Çfarë janë bakteret e këqija
Sa herë që sëmureni, trupi përjeton një lloj sulmi nga mikroorganizma të jashtëm e të panjohur për të. Kjo mund të përkthehet në viruse që ju sëmurin e mundojnë për një kohë të gjatë. Që prej vitit 1930 për largimin e tyre përdoren masivisht antibiotikët. Këto medikamente për shumë vite kanë qënë efektive në luftën kundër baktereve, por kanë edhe efektet e tyre anësore. Siç edhe mund t’a dini, janë shumë të fortë dhe nuk mund të konsumohen pa rekomandim nga mjeku. Pavarsisht kësaj të dhënat thonë se antibiotikët konsumohen masivisht në çdo cep të globit, ndërsa toleranca e baktereve të kqija nga këtij ilaçi është rritur. Teksa këto baktere bëhen gjithnjë e më shumë rezistente, mjekët sugjerojnë që të ktheni vëmendjen nga mënyrat natyrale të kurimit. Këto mënyra mund t’i përdorni krahas antibiotikëve të zakonshëm, gjithnjë nëse janë rekomanduar nga mjeku specialist.

Zgjidhja gjendet tek çaji
Një studim nga Universiteti i Mjeksisë dhe Veterinarisë në Mbretërinë e Bashkuar të cilit i referohet AgroWeb.org, tregoi për një faktor specifik që ndihmon në veprimin e antibiotikëve. Bëhet fjalë për çajin jeshil i cili ndihmon shumë punën e antibiotikëve në eleminimin total të baktereve. Kështu që përgjatë kohëve kur po merrni antibiotikë të këshilluar nga mjeku, mundohuni të konsumoni edhe disa flixhanë çaj jeshil. Kjo do të ndihmojë në efikastetitn e ilaçit dhe do ta përforcojë atë. E rëndësishme është që gjithnjë të ruani balancën dhe të mos e teproni me mediakmentet, pasi mund të nxisin një sërë sëmundjesh.

Rreziku nga antibiotikët
Konsumimi i antibiotikëve pa recete ose në raste të panevojshme, mund të kthehet në një problem të vërtetë për të gjithë organizmin. Organizata Botërore e Shëndetit thotë se konsumimi i vazhdueshëm i tyre ul imunitetin dhe mbrojtjen e të gjithë organizmit. Kështu që mundohuni ta evitoni sa më shumë dhe merrni gjithnjë konsultën e mjekut. Ndërkohë në rastet kur e keni të detyrueshme, për të kaluar gripin bashkë me ilaçin, zgjidhni edhe çajin jeshil.

Si ta përgatisni
Mbushni një xhezve me ujë dhe vëreni të ziejë në zjarr mesatar për disa minuta. Kur uji të ziejë hidhni në ujë 4-5 gjethe të njoma çaji ose gjysmë luge çaji gjethe të thata dhe lërini në ujë për disa minuta. Më pas kullojeni ujin me kujdes dhe mund t’a konsumoni duke e shoqëruar me pak limon ose pak mjaltë./AgroWeb

Top Channel

Emri mund të mos tingëllojë i njohur, por këto njolla të bardha njihen si cista milia. Kur shfaqen në një numër të madh, quhen milia. Këto probleme të lëkurës mund të shfaqen tek njerëzit e çdo gjinie dhe moshe, por janë më të zakonshme tek foshnjat e porsalindura.

Këto puçrra shfaqen kur keratina grumbullohet nën lëkurë. Në të shumtën e rasteve, janë të bardha, por gjithashtu mund të kenë ngjyrë të verdhë, me diametër nga 1 deri në 2 milimetra. Në fakt, ato shfaqen deri në 50% të të porsalindurve dhe zakonisht gjenden në ballë, faqe, hundë dhe mjekër.

Në përgjithësi, nuk shkaktojnë dhimbje, por ka njerëz që mund të vuajnë nga skuqje të lëkurës dhe acarim.

Në rastin e foshnjave të porsalindura, shkaku i saktë i milies mbetet i panjohur. Shkencëtarët dyshojnë se mund të lindin edhe me to. Nga ana tjetër, tek të rriturit, zakonisht lidhet me një lloj dëmtimi të mëparshëm të lëkurës, i cili mund të jetë:

• Plagët me flluska
• Djegiet
• Dëmtimi afatgjatë i diellit
• Humbja e aftësisë natyrore të lëkurës për t’u rigjeneruar (për shkak të plakjes)

Në shumicën e rasteve, milia nuk është serioze dhe zhduket vetvetiu për disa muaj. Sado joshëse mund të duket, të përpiqesh t’i heqësh vetë është një ide e keqe.

Nëse përpiqeni t’i hapni duke i shtrydhur, do të zhgënjeheni kur të kuptoni se kjo nuk funksionon dhe se fytyra dhe do të skuqet dhe mund të ketë rrezik për infeksion.

Ndërsa nuk ka ndonjë trajtim specifik për të eleminuar milian, ka disa gjëra që ju mund të bëni në shtëpi që mund të ndihmojnë si për t’i parandaluar ato, dhe të inkurajoni  shërimin e shpejtë të tyre:

• Lani mirë zonën e prekur, çdo ditë.
• Përdorni avull për të hapur poret tuaja.
• Eksfoljoni lëkurën  2 deri në 3 herë në javë.
• Shmangni ekspozimin e tepërt të diellit dhe përdorni krem ​​mbrojtës
• Shmangni kremrat e trashë ose produktet me bazë vaji.
• Vendosni retinoidet aktuale (kremra ose xhel me vitaminë A).

Nëse doni t’i largoni këto puçrra nga fytyra juaj dhe nëse ju shkaktojnë bezdi, kërkoni ndihmën e dermatologut.

Top Channel

Dikur, Qeshqeku përgatitej në raste të veçanta festash familjare apo kur shtëpinë e vizitonin miq e të afërm. Servirja e Qeshqekut në tryezë ishte një nga mënyrat fantastike përmes së cilës të zotët e shtëpisë nderonin me mikpritjen e tyre miqtë. Sot, kjo pjatë gjendet si një ndër gatimet më të çmuara tradicionale pjesë e menuve të restoranteve tradicionalë. Përgatitja e Qeshqekut kërkon durim dhe mbi të gjitha mjeshtërinë e amvisave në mënyrë që shija e tij të dalë vërtetë perfekte.

Përgatitja e Qeshqekut me Pulë dhe Grurë
Përbërësit
1 pulë e majme 1 kg
2 filxhan çaji me grurë
3 lugë gjelle me gjalpë të freskët
Për një gatim më të shëndetshëm, sugjerohet përdorimin e vajit të ullirit.
Gjysmë filxhan çaji me arra të thërrmuara
Kripë
Piper i zi
2-3 lugë me rrush të thatë (sipas preferencës)

Përgatitja
Si fillim, pastrojmë me ujë të rrjedhshëm pulën. E ndajmë në copa, e vendosim në një tenxhere me ujë dhe kripë dhe e lëmë të ziejë. Lihet që të ziejë sa të zbutet mishi. Lëngun e pulës ruajeni mënjanë sepse do përdoret për përgatitjen e grurit. Nëse preferoni pulën mund ta fusni dhe ta piqni edhe në furrë, duke e kriposur, lyer me pak gjalpë dhe duke i hedhur 1 gotë e gjysmë ujë.

Edhe në këtë rast mundohuni që të lini mënjanë disa lugë gjelle nga lëngu i pulës. Ndërkohë përgatisim grurin. E pastrojmë me ujë të bollshëm dhe më pas e kullojmë. AgroWeb.org ju këshillon që para nisjes së përgatitjes së kësaj recete gurin ta vendosni në një tas me ujë dhe ta lini përreth dy orë në mënyrë që të zbutet më shpejt. Më pas, shtypeni grurin përmes një çekani kuzhine (rrahës mishi). Vendoseni në një tenxhere me 700 ml -1l ujë dhe vendoseni në zjarr derisa gruri të ziejë. Në momentin që gruri ka zierë dhe masa është trashur shtoni arrat, pak nga lëngu i pulës, gjalpin e freskët, kripën dhe piperin e zi. Salcën e përftuar e vendosni në një pjatancë të madhe, sipër i hidhni pak rrush të thatë si dhe pulën e pjekur ose thelat e mishit të saj./AgroWeb

Top Channel

Kur dy gjëra të mira bashkohen, rezultati nuk ka se si të mos jetë unik. Cilat janë vlerat e qumështit me mjaltë? Lexoni më poshtë listën e përgatitur:

Kujdesi për lëkurën
Qumështi dhe mjalti kanë vlera pastruese dhe luftojnë mikrobet. Por kur bashkohen këto vlera shumëfishohen. Shumë prej pastruesve të lëkurës kanë në përmbajtjen e tyre si mjaltë ashtu edhe qumësht. Të dyja i japin lëkurës një shkëlqim të shëndetshëm. Banjat me mjaltë dhe qumësht janë të rekomandueshme në të gjitha qendrat estetike më luksoze në botë.

Tretja
Prej kohësh, mjalti është pranuar si një burim i pasur probiotikësh, elementë që stimulojnë rritjen dhe zhvillimin e probiotikëve, të cilët janë baktere të shëndetshme që rriten në zorrë dhe në sistemin tretës. Probiotikët stimulojnë bifidobakteret, një lloj probiotiku që gjendet tek qumështi. Karbohidratet dhe oligosakaridet tek qumështi promovojnë funksionimin e shëndetshëm të këtyre baktereve të shëndetshme që mbajnë traktin gastrointestinal në formë të shkëlqyer. Kur niveli i baktereve në sistemin tretës është i ekulibruar, atëherë trupi nuk vuan nga një sërë sëmundjesh ose diagnozash siç janë konstipacioni, fryrjet, etj.

Qëndrueshmëria
Një gotë me qumësht dhe mjaltë në mëngjes përmirëson rezistencën e njeriut. Qumështi ka proteina. Mjalti ka karbohidratet e duhura për një impuls efektiv të metabolizmit. Qumështi dhe mjalti janë shtysa më e fuqishme për çdo të rritur, fëmijë dhe të moshuar.

Shëndeti i kockave
Studimet për mjaltin vazhdojnë akoma. Por dita ditës po bëhet e qartë se mjalti luan rolin e transportuesit të përbërësve të shëndetshëm nga ushqimi në trup. Veçanërisht mjalti ka treguar që është i rëndësishëm për përçimin e kalciumit në organizëm.

Kalciumi gjendet me shumicë tek qumështi. Ndaj nëse konsumoni qumësht me mjaltë jo vetëm që do t’i jepni trupin kalciumin e nevojshëm për shëndetin e kockave, por edhe mjetin më të mirë transportues që kalciumi të shkojë në destinacionin e dëshiruar. Nivelet e kënaqshme të kalciumit mund të parandalojnë osteporozën dhe inflamacionin në gjymtyrë teksa plakemi.

Pagjumësia
Mjalti dhe qumështi janë përdorur tradicionalisht si kura natyrale kundër pagjumësisë. Edhe nëse i konsumoni veçmas janë shumë efektiv, por impakti i tyre shumëfishohet nëse ato shkrihen në një. Mjalti është një nga ushqimet e rralla të ëmbla që mban nën fre sasinë e insulinës që sekretohet në organizëm. Ky proçes shoqërohet me çlirimin e triptofanit në tru. Ky i fundit transformohet në serotoninë që përcjell ndjesinë e qetësisë. Serotonina transformohet në melatoninë që stimulon gjumin. Proçesi kimik është pak i ngatërrueshëm, por thënë troç pini qumësht me mjaltë nëse vuani nga pagjumësia.

Kundër plakjes
Kombinimi i qumështit dhe mjaltit ka ndikim jo vetëm tek lëkura, por tek i gjithë trupi duke i dhënë atij vitalitet. Shumë qytetërime të lashta si Grekët, Romakët, Egjiptianët dhe Indianët pinin qumësht me mjaltë rregullisht për të ruajtur rininë e tyre. Ja përse ata e quanin këtë kombinim si “eliksiri i jetës”. Antioksidantët që shumëfishohen tek qumështi me mjaltë luftojnë plakjen duke sulmuar radikalet e lira që ndikojnë për keq tek organet e trupit. Këto radikale janë shkaktarët kryesorë për degradimin e lëkurës, rrudhat, dhe rënien e elasticitetit të organit më të madh të trupit, lëkurën.

Luftojnë bakteret
Studimet kanë treguar që qumështi me mjaltin kanë një ndikim më të fortë kundër baktereve kur konsumohen së bashku se sa ndarazi. Besohet gjithashtu që nëse pini qumësht të ngrohtë me mjaltë, nuk do të vuani më nga konstipacioni dhe çrregullime të tjera të zorrëve. Ky lëng magjik është i mirë për të luftuar çrregullime të tjera respiratore si virozat dhe kola. Përfitimet që vijnë nga qumështi dhe mjalti janë aq të mëdha sa nuk do mjaftonte një ditë e tërë për t’i shpjeguar dhe lexuar. Në fakt ekziston një shprehje “toka e qumështit dhe mjaltit” që përshkruan një vend të begatë. Në Testamentin e Vjetër, toka e Qumështit dhe Mjaltit ishte Jeruzalemi./AgroWeb

Top Channel

Mundësia për t’u sëmurë varet më shumë nga gjendja juaj shëndetësore sesa nga sa herë i lani duart apo i dizinfektoni, por kjo s’do të thotë që s’duhet të bëni kujdes ndaj ambjentit. Kur vjen puna për t’u mbrojtur nga sëmundjet kujdesi nuk është asnjëherë i tepërt. Nëse plani juaj për të mos u sëmurë këtë pranverë fillon dhe mbaron me të konsumuarit të një gote më shumë lëng portokalli, ndoshta bëni mirë ta rimendoni këtë strategji. Çaji mbetet ilaçi kryesor për të gjithë, por cili çaj funksionon më mirë?

Çaji i Malit
Të gjithë e kemi shijuar çajin e malit, një tisanë unike e shumë e shëndetshme, thesari i paçmuar nga i cili mund të përfitohet, jo vetëm duke e konsumuar. Çaji i malit është një bimë e egër, që rritet në lindje të Mesdheut, veçanërisht në Ballkan. Ashtu siç edhe emri e tregon më së miri, në male në lartësi që variojnë nga 1500 deri në 1900 metra, shpesh herë në sipërfaqe shkëmbore. Të huajt mbarojnë për çajin tone të malit, ndërsa shqiptarë janë mësuar me të dhe drejtohen shpesh ndaj çajrave të botës.

Çaji i Mentes
Ky çaj lehtëson dhimbjet dhe problemet e ndryshme të stomakut dhe ndihmon procesin e tretjes. Lehtëson të përzierat dhe çrregullimet e spazmave, forcon sistemin imunitar ndaj gripit dhe lehtëson problemet në frymëmarrje. Eleminon aromën e keqe të gojës dhe ndihmon në ekuilibrimin e oreksit.

Çaji i Xhenxhefilit ose Xhinxher
Përmban nivele të larta të vitaminës C, magnezit dhe mineraleve të tjera. Një kupë çaji para udhëtimit, parandalon të përzierat nëse ju zë makina. Përmirëson performancën e stomakut në tretje dhe uron problemet e ndryshme në sistemin e frymëmarrjes duke nisur nga ftohja deri te alergjitë e ndryshme. Përmirëson qarkullimin e gjakut dhe lehtëson dhimbjet e ciklit menstrual dhe qetëson muskujt. Për shkak të nivelit të lartë të antioksidantëve, forcon sistemin imunitar dhe ndihmon në çlirimin e stresit dhe qetësimin e sistemit nervor.

Çaji Jeshil
Çaji i gjelbër përmban përbërje bioaktive që përmirësojnë shumë parametra të shëndetit të njeriut. Përbërësit e çajit të gjelbër përmirësojnë funksionin e trurit dhe rrisin nivelin e djegies së yndyrnave duke përmirësuar performancën fizike. Në moshë të thyer, çaji i gjelbër ul riskun e Alzhaimerit dhe Parkinsonit. Çaji i gjelbër vret bakteret duke ndihmuar në shëndetin e dhëmbëve dhe uljen e riskut për infeksione./AgroWeb

Top Channel

Më poshtë renditen disa nga arsyet se si vakti i mëngjesit, po ju bën të shtoni në peshë dhe gjithashtu disa këshilla se si të përgatisni një mëngjes sa më të shëndetshëm.

Mëngjesi Juaj Nuk Përmban Proteina
Mungesa e proteinave në vaktin e mëngjesit, mund t’ju bëjë të ndjeheni më të uritur më vonë. Kjo mund të çojë në konsumimin e kalorive të tepërta gjatë orëve të vona të ditës. Sigurohuni që të shtoni më shumë ushqime proteinike. Për shembull, ju mund të kombinoni një tas me drithëra me një vezë të zier fort.

Po Konsumoni Ushqime Me Shumë Sheqer
Kur zgjoheni, përpiquni të mos hani asgjë me shumë sheqer ose me shumë yndyrë, pasi kjo mund të ndikojë në shëndetin e mëlçisë tuaj. Ju duhet të konsumoni ushqime të shëndetshme dhe të plota pasi do t’ju ndihmojë të rrisni metabolizmin gjatë gjithë ditës.

Po Konsumoni Vetëm Karbohidrate
Një mëngjes i përqëndruar vetëm në karbohidrate mund të na bëjë të ndihemi shumë të uritur pas pak kohe. Prandaj kombinimi i karbohidrateve me proteina, do të ishte një zgjidhje më e shëndetshme.

Ju Po E Anashkaloni Plotësisht Mëngjesin
Edhe pse anashkalimi i mëngjesit nuk çon gjithmonë në shtim të peshës, mund të çojë në ngrënie të tepërt gjatë drekës ose darkës, e si pasojë shtim në peshë. Nëse nuk jeni të uritur në mëngjes, konsumoni të paktën diçka të lehtë, në mënyrë që të mos ndiheni shumë i uritur përgjatë ditës. Nëse nxitoni dhe e anashkaloni mëngjesin, atëherë përgatitja paraprake e ushqimeve të shpejta mund të jetë zgjidhje.

Nuk Po Konsumoni Një Vakt Të Balancuar
Proteinat dhe fibrat ndihmojnë në plotësimin e vaktit dhe parandalojnë ngrënien e tepërt gjatë ditës. Një mënyrë për të përmirësuar këtë vakt është duke shtuar ushqime që përmbajnë proteina, si sallami dhe fruta që përmbajnë fibra, si bananet.

Po Konsumoni Vetëm Drithëra
Drithërat e përpunuara përmbajnë një pjesë të madhe ushqyesve artificialë të shtuar. Ato janë zakonisht të pasura me sheqer të përpunuar, i cili që do t’ju japë një shpërthim të menjëhershëm energjie, që do të ulet shumë shpejt nëse nuk kombinohet me proteina dhe yndyrna të shëndetshme.

Po Kufizoni Së Tepërmi Marrjen E Kalorive
Një mëngjes i ekuilibruar përfshin proteinat, karbohidratet dhe yndyrnat. Nëse ju po e anashkaloni këtë rregull, rrezikoni të përfundoni duke ngrënë më shumë gjatë vakteve të tjera. Një nga kombinimet e shumta që mund të bëni dhe që do t’ju mbajë të ngopur më gjatë është të gatuani vezë të shoqëruara me avokado dhe bukë.

Po Konsumoni Vaktin Shumë Shpejt
Të ngrënit në mënyrë të shpejtë, mund të çojë në marrjen e më shumë kalorive sepse ndjesia e ngopjes vjen me vonesë. Prandaj është e rëndësishme ta përtypni mirë ushqimin dhe ta shijoni këtë proces./AgroWeb

Top Channel

Ai duhet përdorur nga të rriturit dhe fëmijët pas moshës 5 vjeçare. Ekspertët thonë se mjalti është kura më e mirë për këtë kollë, ndryshe nga antibiotikët që janë jo efikasë në trajtimin e infeksioneve virale dhe për më tepër shoqërohen me efekte anësore. Sipas tyre, antibiotikët duhen përdorur vetëm kur është me të vërtetë e nevojshme dhe rreziqet e komplikacioneve serioze janë të larta. Një udhëzim i tillë i është shpërndarë edhe autoriteteve spitalore në Mbretërinë e Bashkuar dhe ofrojnë një qasje të re të trajtimit të këtij problemi nga mjekët.

Çfarë Është Kolla Akute?
Bëhet fjalë për një kollë që zgjat për një periudhë të caktuar kohe, pra për disa ditë ose javë. Kolla akute shfaqet si pasojë e një infeksioni në pjesën e sipërme të rrugëve të frymëmarrjes që mund të ndodhë si pasojë e të ftohurës ose gripit por edhe broshnitit akut, i cili është një infeksion i përkohshëm viral.

Përse Nuk Rekomandohet Përdorimi i Antibiotikëve
Antibiotikët mund të përdoren për trajtimin e infeksioneve që shkaktohen nga bakteret. Në shumicën e rasteve, kolla akute shkaktohet nga viruset. Këto të fundit nuk reagojnë ndaj përdorimit të antibiotikëve. Sipas ekspertëve britanikë, kur antibiotikët përdoren kundër kollës akute, ato nuk bëjnë ndonjë ndryshim as në simptoma as tek infeksioni.

Antibiotikët duhen përdorur vetëm kur infeksioni është bakterial por shumë rrallë tek njerëzit që kanë një imunitet të dobët. Ky kufizim në përdorim është i nevojshëm për faktin se bakteret po bëhen më rezistentë ndaj antibiotikëve që do të thotë se këto të fundit nuk funksionojnë si më parë. Sipas studiuesve britanikë, mjalti ndihmon në largimin e kollës në mënyrë shumë të shëndetshme. Atë mund ta përdorni në çaj duke e shoqëruar me lëng limoni ose të konsumoni nga një lugë çaji mjaltë sa herë që të keni kollë./AgroWeb.

Top Channel

Këto gjurmë ndërmjet brezave janë zbuluar se ndikojnë në zhvillimin e trurit të fëmijëve, duke rezultuar në qarqe të ndryshuara të trurit midis amigdalës (pjesa e trurit që përpunon frikën dhe ankthin) dhe dy zonave të tjera të trurit, korteksit paraballor dhe korteksit cingular dorsal anterior, të dy zonat e përfshira në marrjen e vendimeve dhe rregullimin e ndjenjave.

Hulumtimi u botua në revistën Biological Psychiatry: Cognitive Neuroscience and Neuroimaging.

“Këto rezultate tregojnë se zhvillimi i trurit tonë nuk formohet vetëm nga ato që ndodhin në jetë por gjithashtu ndikohet nga gjërat që u kanë ndodhur prindërve tanë para se të ngjizeshim”, tha autorja kryesor e studimit, Dr. Cassandra Hendrix.

Sipas Il Sience, autorët kanë studiuar 48 çifte nënash dhe fëmijësh gjatë tremujorit të parë të shtatzënisë.

Nënat kanë marrë pyetësorin për vlerësimin e traumave dhe fatkeqësive të fëmijëve të tyre, në të cilat kanë përfshirë përvojat e neglizhencës emocionale dhe keqtrajtimit në fëmijërinë e hershme.

Të gjitha nënave u është vlerësuar niveli momental i stresit, duke përfshirë depresionin dhe ankthin. Një muaj pasi nënat lindën, foshnjat e tyre iu nënshtruan imazhit të trurit duke përdorur rezonancë magnetike funksionuese në fjetje (fMRI), një teknikë jo invazive e skanimit të trurit që mund të përdoret tek foshnjat ndërsa flenë.

“Rezultatet e skanimit të trurit mund të tregojnë funksionimin e tij për periudhën shumë të hershme”,  tha Dr. Cameron Carter, redaktore i Psikiatrisë Biologjike: Neuroshkenca Kognitive.

Autorët e studimit zbuluan se foshnjat e nënave që kishin përjetuar më shumë neglizhencë emocionale në fëmijëri, sipas një pyetësori të cilit nënat iu përgjigjën kishin më shumë lidhje midis regjioneve amigdale cerebrale dhe kortikale.

Duke marrë parasysh stresin, studiuesit zbuluan se sa më shumë që nëna ishte e lënë pas dore emocionalisht, aq më e ndërlidhur ishte amigdala e foshnjës me pjesët kortikale ballore të trurit.

Sidoqoftë, nuk është ende e qartë se çfarë ndikimi mund të kenë amigdala dhe zonat kortikale ballore të lidhura më fort te fëmijët, nënat e të cilave që kanë përjetuar neglizhencë të shtuar emocionale.

Nxitja nervore e vërejtur tek foshnjat një muajshe të nënave të lënë pas dore emocionalisht mund të jetë një mekanizëm që çon në një rrezik për rritje të ankthit, ose mund të jetë një mekanizëm kompensues që nxit rezistencën.

Në të dy rastet, neglizhenca emocionale e fëmijërisë së nënës duket se lë gjurmë nervore tek foshnja e saj.

Hulumtimet ilustrojnë se si frika dhe ankthi midis brezave mund të transmetohen nga nënat tek foshnjat e tyre, megjithatë, pasojat e këtij transmetimi nuk janë ende të qarta.

Nevojiten më shumë kërkime për të përcaktuar më saktësisht se çfarë transferimesh të tilla të përvojave emocionale mund të kenë midis nënës dhe fëmijës.

“Studimet e ardhshme që monitorojnë fëmijët do të na ndihmojnë të kuptojmë rëndësinë funksionale të këtyre ndryshimeve në funksionin e trurit në drejtim të zhvillimit emocional dhe shoqëror të fëmijëve të nënave që ishin lënë pas dore në fëmijërinë e hershme”,  shpjegoi Dr. Cameron.

 

Top Channel