Qershia, fruti magjik që të dobëson dhe të rinon
Category: keshilla
6 ushqime të pasura me vitaminë D
Vitamina D është shumë e rëndësishme për trupin. Ky nutrient ndihmon në luftimin e depresionit, eshtrat ua mban të fortë dhe forcon sistemin imun. Mungesa e kësaj vitamine shkakton demencën. Në vijim ju sjellim ushqimet, që ju furnizojnë me këtë vitaminë.
VEZËT
Vezët janë burim i hatashëm për vitamina D. Përderisa shumica e vitaminave në vezë gjendet në të bardhët e vezës, vitaminat, mineralet dhe yndyra është kryesisht në të kuqtë e vezës.
SKUMBRI
Vetëm një porcion me këtë peshk të pasur me aminoacidet omega 3, ju ofron rreth 90 për qind të sasisë ditore me vitamina D të rekomanduar për një ditë. Rekomandohet që të hani këtë lloj të peshkut tri herë në javë.
KËRPUDHAT
Kërpudhat janë bima e vetme, që ofrojnë vitamina D. Sikurse njerëzit, kërpudhat vitaminën D e thithin sa herë t’i ekspozohen diellit. Por, kërpudhat prodhojnë vitamina D2. Megjithëse vitamina D2 ndihmon në ngritjen e nivelit të gjakut me vitamina D, mund të mos jetë efektiv si vitamina D3.
SARDELET
Sardelet janë një nga burimet më të mira për vitaminën D. Vetëm një peshk mesatar ju ofron mesatarisht 101 për qind me nevojat ditore për vitamina D. Këta peshq në konservë janë burim i përsosur për aminoacide omega 3, vitamina B-12, selen dhe proteina.
QUMËSHTI I SOJËS
Vitamina D pothuajse gjithmonë gjendet në prodhimet e kafshëve. Për më shumë, vegjetarianët në veçanti janë në rrezik për mungesë të kësaj vitamine. Prandaj, qumështi që fitohet nga bimët, si qumështi i sojës, është alternativë.
TUNA
Duhet të konsumoni tri porcione me peshkun e llojit tunë për të fituar 50 për qind të nevojave ditore me vitamina D. Tuna e freskët dhe ai i egër është lloji që ofron më së shumti vlera ushqyese. Poashtu, peshku i yndyrshëm, i ofron trupit yndyrna të shëndetshme, përkrahin trurin dhe funksionimin e kujtesës.
(Visited 1,512 times, 1 visits today)
Ushqimet që balancojnë pH në trupin tuaj
Vlera brenda normave të lejuara të pH të gjakut është mes 7.35 dhe 7.45, që dtth se duhet të jetë lehtësisht bazik ose alkalin.
Në përditshmërinë tonë, na ndodh të konsumojmë ushqime me përmbajtje acide, të cilat mund të shkaktojnë efekte negative shëndetësore si gurët në veshka, përkeqësimin e kockave dhe të muskujve, kancer, probleme të mëlçisë dhe sëmundjeve të zemrës.
Ushqimet alkaline ju ndihmojnë për të balancuar pH-in, pasi përmbajnë natrium që shërben kundër aciditetit.
Ja një listë e tyre që duhet të nisni të konsumoni sa më parë:
Perimet
Brokoli i gatuar (6.30 – 6.85) është plot me vitamina C dhe A, fibra dhe acid folik. Ju mbron nga sëmundje të ndryshme kronike dhe ju ndihmon në procesin e detoksifikimit natyror.
Lulelakra e gatuar (6.45-6.80) përmban një mori vitaminash me veti anti-inflamatore dhe që mbrojnë nga sëmundja e kancerit, e zemrës dhe të trurit, madje edhe nga shtimi në peshë.
Lakra jeshile (5.20-6.75) është e pasur me acid folik, magnez dhe vitaminë C e K. Parandalon kancerin si dhe përmirësion tretjen tuaj.
Karrota (5.88-6.40) përmbajnë komponime alkaline natyrale, të cilat ju ndihmojnë të neutralizoni acidin e tepërt të stomakut, kolesterolin më të ulët, të përmirësoni vizionin dhe të minimizoni shenjat e plakjes.
Panxharët e gatuar (5.23-6.50) përmbajnë mangan, kalium dhe japin efekt anti-plakje në trupin tuaj, zvogëlojnë inflamacionin dhe madje ju ndihmojnë të bieni nga pesha.
Fruta
Avokado (6.27-6.58) përmban fibra të tretshëm.
Pjepri (6.00-6.67) është i pasur me kalium, fibra dhe ushqyes të tjerë. Këto përbërës janë në gjendje të bëjnë kockat dhe dhëmbët më të fortë, të rritin sistemin tuaj imunitar dhe të përmirësojnë shikimin tuaj.
Ullinjtë
Ullinjtë e pjekur (6.00-7.50) janë një burim i shkëlqyer vitaminë E dhe yndyrnave të pangopura, që shërbejnë si antioksidant natyror, zvogëlojnë shanset e shtimit në peshë, parandalojnë mpiksjen e gjakut dhe eliminojnë kolesterolin në gjak.
Spinaqi
Spinaqi (6.60-7.18) përmban vitaminën A, C, K dhe kalcium, të cilat prodhojnë efekte anti-kancer, pastrojnë trupin tuaj, si dhe forcojnë kockat dhe flokët tuaja.
(Visited 1,803 times, 1 visits today)
Përfitimet e panumërta të majdanozit
Majdanozi, emri latin i të cilit është petroselinum, marrë nga greqishtja “petroselinon”që do të thotë selino e shkëmbinjve, sepse në shekullin e 13-të mendohej se selino dhe majdanozi ishin dy variante të së njëjtës bimë.
Majdanozi zbukuron gatimet me elegancë dhe finesë, praktikisht në të gjitha recetat me kripë mund të hidhet pak majdanoz, ai është plot shije dhe është një bimë me vlera të veçanta antioksidante.
Majdanozi normalisht nuk konsumohet në sasi të madhe.
Përdorimi i rregullt i tij në ushqim bën të mundur që të furnizohet trupi me antioksidantë edhe pse me sasi jo shumë të mëdha.
Antioksidantët janë përbërës që reduktojnë dëmet e shkaktuara nga radikalet e lira në trup.
Këto të fundit janë molekula të përfshira në shfaqjen e sëmundjeve kardiovaskulare, disa llojeve të kancereve dhe sëmundjeve të tjera që lidhen me plakjen e organizmit.
Mendohet se majdanozi i freskët ka veti antioksidante ndonjëherë edhe më të lartë se disa fruta dhe perime.
Konkretisht elementët antioksidantë të majdanozit janë apigenina, luteina dhe beta-karotina.
Majdanozi njihet gjithashtu edhe për efektin e tij kundër erës së keqe.
Çdokush prej nesh ka nevoja të ndryshme për hekur.
Çdo qelizë e trupit përmban hekur, një mineral themelor për transportimin e oksigjenit dhe formimin e rruazave të kuqe të gjakut. Ai luan gjithashtu rol në prodhimin e qelizave, hormoneve dhe neurotransmetuesve të rinj.
Duhet thënë se hekuri i bimëve nuk asimilohet nga organizmi po aq mirë sa ai i ushqimeve shtazore, megjithatë asimilimi i hekurit të majdanozit favorizohet nga prania e vitaminës C.
Majdanozi është i pasur në vitaminë C, një vitaminë që përveç efekteve antioksidante, ndikon në shëndetin e kockave, dhëmbëve dhe mishit të dhëmbëve.
Për më tepër, ajo mbron edhe ndaj infeksioneve, ndihmon asimilimin e hekurit të bimëve dhe shpejton mbylljen e plagëve.
Majdanozi i dehidratuar është i pasur me magnez, i cili ndihmon në shumë procese metabolike dhe në parandalimin e dëmeve të shkaktuara nga radikalet e lira.
Në rast se konsumohet në porcione të vogla, majdanozi i jep organizmit ushqime të pakta, ndërsa në sasi të mëdha majdanozi është një burim i rëndësishëm nga pikëpamja ushqimore.
Konkretisht, gjysmë filxhani majdanoz i freskët është një burim i mirë beta-karotine, folati dhe hekuri si dhe një burim i shkëlqyer vitamine C, ndërsa një filxhan majdanoz e furnizon organizmin me 90 mgr kalcium ose 9% të nevojave ditore.
Personat që përdorin medikamente kundër koagulimit të gjakut, duhet të konsultohen me mjekun për përdorimin e ushqimeve me përmbajtje të lartë vitamine K si majdanozi.
Kërcelli i majdanozit mund të kalohet në rende apo të pritet e të hidhet në sallatë, mund të hidhet në lloje të ndryshme supash apo gjellë të tjera, të skuqet, piqet apo zjehet e t’u shtohet patateve apo karotave, për shembull.
Gjethet e majdanozit mund të mbahen në pjesën e poshtme të frigoriferit, në një qese me vrima. Ose, për ta ruajtur më gjatë, majdanozi mund të vihet në një enë pjesërisht të mbushur me ujë që mbahet në frigorifer.
Kërcelli mund të mbahet disa javë në një qese me vrima në frigorifer, në sirtarin e perimeve.
(Visited 1,095 times, 1 visits today)
10 fakte interesante për kuzhinën italiane
Kuzhina tradicionale italiane është sot ndër kuzhinat më të preferuara në botë. Njësoj ndodh edhe tek ne. Rrallë kush mund ta imagjinojë një javë pa shijen e picës, lazanjes apo makaronave të shijshme.
Nëse edhe ju jeni ndër adhuruesit e kuzhinës italiane, ju sjellim disa fakte interesante rreth saj, që besojmë do t’iu pëlqejnë.
- 13 shkurti është Dita Ndërkombtare e të ngrënit ushqim Italian
- Proshuta italiane ka qenë e ndaluar në SHBA deri në vitin 1989, ndërsa mortadella është legalizuar vetëm në vitin 2000. Mishi special Italian i njohur si zampone është akoma i ndaluar në SHBA, ndërsa arsyet për ndalimin e tij nuk bëhen publike.
- Sipas traditës, italianët në fakt, nuk i vendosin qoftet në salcën me domate për shpageta. Në vend të kësaj, ato servohen në një pjatë të vecantë.
- Salca e domates ka nisur të shërbehet me shpageti vetëm në shekullin e 18-të.
- Në botë ekzistojnë 600 versione të pastës italiane.
- Kreu I Kishës Romane Katolike ka qenë ai që në shekullin e 13-të ka vendosur një standard për kualitetin e pastës. Sot e asaj dite, pasta nuk guxon të jetë nën atë standard.
- Një person i rëndomtë në Itali, konsumon 30 kg pasta në vit, ndërkohë që përqindja e konsumimit të pastës në vende të tjera të botës për një person është afro 5 kg.
- Fabrikën e parë për prodhimin e pastës italiane e ka hapur familja Agnes, në afërsi të qytetit të Gjenovës, në vitin 1824.
- E famshmja pasta “carbonare” është ushqim tradicional I qytetit të Romës.
- Pica është gatuar për herë të parë në Napoli në vitin 1889.
(Visited 973 times, 1 visits today)
Kajsia dhe efektet e saj pozitive
Kajsia është një frut tepër i shijshëm dhe me vlera të padiskutueshme për njeriun. Megjithëse nuk rekomandohet për ata që vuajnë nga diabeti, ajo përvec sheqerit përmban edhe mjaft ujë dhe ka një vlerë të vogël energjike.
Kajsitë janë të shkëlqyeshme kur hahen vetëm, por edhe kur përzihen me pemë të tjera.
Gjëja e vetme që nuk mund të bëhet me kajsitë është shtrydhja e tyre për të bërë lëng. Konsumimi i kajsisë është shprehi e shëndoshë, sepse ajo ka vlerë të lartë ushqyese që mund të ndihmojë në shërimin e problemeve të ndryshme, duke ndihmuar shëndetin.
Zorrë të shëndetshme
Kajsitë janë laksativë i lehtë. Konsumimi i rregullt i tyre mund të parandalojë kapsllëkun dhe të mbajë të pastër zorrën e trashë.
Ushqim alkalin
Kajsitë janë ushqime alkaline, që paraqet një zgjidhje të shkëlqyeshme për secilin, që është i prirë për gurë në idhzë, kjo pasi ato ndihmojnë në shkrirjen e gurëve.
Shëndeti kardiovaskular
Kajsitë janë burim i shkëlqyeshëm i bakrit dhe i hekurit, diçka që trupit tuaj i nevojitet, në mënyrë që të mund të prodhojë hemoglobinën. Hemoglobina është lëngu që mbush qelizat tuaja të gjakut, të cilat sigurojnë energjinë për qelizat e muskujve. Njerëzit të cilët nuk prodhojnë hemoglobinë të mjaftueshme janë shpesh anemikë.Gjithashtu kajsia është e pasur mjaft edhe me kalium, i cili e rregullon punën e zemrës, por përmban edhe jod, zink, krom dhe mangan.
Shëndeti i syve, lëkurës
Ajo që e dallon këtë frut është fakti se ai ka shumë provitaminë A, i cili është antioksidues natyral që e mbron organizmin nga ndikimi i radikalëve të lirë. Mjafton që të merrni vetëm 220 gramë nga ky frut dhe ju siguroni nevojat ditore të organizmit për këtë provitaminë të nevojshme për sytë dhe lëkuren.
Shëndeti i veshkave
Ajo është një diuretik i shkëlqyeshëm dhe iu sugjerohet atyre që kanë problem me veshka dhe zemrën duke përmirësuar enët e gjakut dhe presionin e tij.
Përmbajtja e lartë e acidit folik dhe bakrit përpmirëson shikimin, ndihmon personat që vuajnë nga astma dhe nga ankthet. Por studimet e fundit tregojnë se përdorimi i shpeshtë i kajsisë gjithashtu përmirëson ndjeshëm kujtesën.
(Visited 805 times, 1 visits today)
Rëndësia e frutave arrore në dietën e fëmijës
Ushqimet e pasura me magnez, si çokollata e zezë, tërshëra, frutat arrore, janë njëlloj të rëndësishme si kalciumi për eshtra të shëndetshme dhe dendësinë e tyre në moshën e vjetër.
Prindërit tashmë një kohë këshillohen t’u japin fëmijëve sasi të mjaftueshme të qumështit për të pasur eshtra të forta, por po aq është e rëndësishme që ushqyerja të jetë e pasur edhe me farat e kungullit, çokollatën e zezë, salmonin, bajamet dhe frutat tjera arrore, shkruan “Daily Mail”.
Shkencëtarët nga kolegji amerikan “Baylor” kanë analizuar ndikimin e ushqimeve të caktuara në dendësinë e eshtrave te fëmijët dhe kanë përfunduar që minerali i magnezit është po aq i rëndësishëm për ndërtimin e skeletit të shëndetshëm.
Edhe pse dihet edhe prej më herët se sa është i rëndësishëm magnezi për eshtrat e të rriturve, për herë të parë është vërtetuar roli i tij në organizmin e fëmijëve.
“Është keqkuptim se i rëndësishëm është vetëm kalciumi, ekziston një varg i tërë i nutrientëve të nevojshme për ndërtimin e eshtrave të shëndetshme”, – ka thënë udhëheqësi i studimit, dr. Steven Abrams.
Ushqimi me më së shumti magnez:
• Farat e kungullit;
• Tërshëra;
• Çokollata e zezë;
• Bajamet;
• Arrat indiane;
• Jogurti;
• Bananet;
• Perimet me gjethe të gjelbra.
(Visited 940 times, 1 visits today)
Pasteli- ëmbëlsira më e vjetër, më e shëndetshme në botë
Gurë në veshka? Përdorni çaj me bërthama shalqiri
Pjeshka, ky frut magjik!
Nëse ka një frut që nuk duhet të mendoheni dy herë për ta ngrënë ajo është pjeshka.
Të buta apo të forta, me push ose jo, nuk ka rëndësi. Kudo që jeni “vidheni” një dhe konsumojeni. Ka vlera të pazëvendësueshme, përveç relaksit shëndetësor që të fal.
Pjeshka, ky frut që konsiderohet si simboli i jetëgjatësisë në Kinë, ka origjinën e vet në këtë vend ku është kultivuar për më shumë se 5000 vjet.
Pjeshka është e pasur me antioksidantë, të cilët i mbrojnë qelizat e trupit nga dëmtimi dhe kështu zvogëlojnë rrezikun nga sëmundjet kardiovaskulare, disa lloje të kancerit dhe sëmundjeve kronike.
Pjeshkat përmbajnë fenol, substancë e cila është antioksidanti i saj kryesor dhe i cili vepron më fuqishëm se sa vitamina C.
Por, meqë lëkura e pjeshkës përmban deri dy herë e gjysmë më shumë fenol se sa vetë brendësia e frutit, mos e qëroni atë. Nëse nuk e pëlqeni lëvoren e pjeshkës së zakonshme për shkak të “qimeve”, merrni nektarinat që janë pa qime. Në esencë është pemë krejtësisht e njëjtë.
Karotenoidet kryesore të cilat gjenden në pjeshkë dhe nektarina janë beta-kriptoksantin dhe beta-karotinë, të cilat në organizëm shndërrohen në vitaminë A. Sa më të portokallta të jenë pjeshkat më tepër beta-karotenë ka në to.
Pse duhen konsumuar
Pjeshkët e freskëta janë burim i mirë i fosforit, i cili është jashtëzakonisht i rëndësishëm, sepse ndikon në shëndetin e eshtrave dhe dhëmbëve, rritjen dhe rigjenerimin e indeve dhe mirëmbajtjen e vlerave të ph në gjak. Ato po ashtu përmbajnë edhe hekur, bakër i cili i nevojitet organizmit për të krijuar hemoglobinë dhe kolagjen, vitaminë B3, i cili është një faktor i rëndësishëm për metabolizmin dhe prodhimin e energjisë.
Një pjeshkë e madhësisë mesatare (me lëvore), mbulon pesë deri në dhjetë për qind të nevojave të trupit për fibra te të rriturit. Nëse hani pjeshkë rregullisht, do të rregulloni sulmet e urisë, do të mundësoni zbrazjen e rregullt të zorrëve, do të zvogëloni rrezikun nga kanceri i zorrës së trashë, sëmundjet kardiovaskulare dhe diabeti i tipit 2.
Nuk duhet harruar as që pjeshkët janë burim i rëndësishëm i vitaminës C, e cila na mbron nga infeksionet dhe përshpejton shërimin dhe i vitamins E, e cila ndikon në imunitet dhe në shëndetin e lëkurës.
Vlerat ushqyese
Këtu janë vlerat ushqyese për 100 gram të produktit:
Potasio: 260 mg.
Kalori: 27 kcal.
Ujë: 90,7 g.
Karbohidrate: 6.1 g.
Proteina: 0,8 g.
Sheqerna: 6.1 g.
Fibra: 1.6 g.
Kalcium: 8 mg.
Natrium: 3 mg.
Hekur: 0,4 mg.
Kalium: 260 mg.
(Visited 1,373 times, 1 visits today)