Category: Këshilla të Përgjithshme

Sipas studimit britanik, konsumimi i çajit të gjelbër mund të ndikojë në përmirësimin e funksioneve të trurit, duke ndikuar pozitivisht në grimcat e trurit që janë të ndërlidhura me kujtesën.

Studimi i publikuar në revistën “European Journal of Clinical Nutrion” kishte plotësuar Listën e ndikimit pozitiv të çajit të gjelbër, që po ashtu përfshin edhe zvogëlimin e rrezikut për t’u prekur nga sëmundja e Alzhaimerit dhe forma të ndryshme të kancerit, përmirësimin e shëndetit oral dhe kardiovaskular, si dhe ndihmon në rast se dëshironi të humbni në peshë.

Ky është studimi i parë, i cili ndryshimet në tru pas konsumimit të çajit të gjelbër i ka incizuar me rezonancë magnetike. Gjatë studimit ishte vërtetuar se sa më e madhe të jetë doza e çajit, aq më i fortë është ndikimi pozitiv në funksionimin e trurit.

Që në kohërat e lashta orizi i kuq i fermentuar përdoret si ilaç për shumë probleme shëndetësore, ndërsa që tani edhe mjekësia moderne e pranon se ai ul kolesterolin në gjak.

Orizi i kuq është rezultat i një procesi të gjatë të fermentimit të një përzierje të orizit të zier, verës së kuqe, si dhe ujit.

Në fund gjithë kësaj përzierje i shtohen edhe disa grimca myk që përmbajnë statike natyrale, të cilat orizit i japin ngjyrën e kuqe. Për dallim nga statiket artificiale, që gjenden në shumicën e ilaçeve për uljen e kolesterolit në gjak, ilaçe që shumë kanë edhe dëme dhe ndikim negativ në organizëm, sidomos në zemër dhe enë të gjakut, statinet natyrale nga orizi i kuq nuk janë aspak të dëmshme.

Këtë e kanë vërtetuar edhe ekspertë amerikanë, duke u bazuar te personat që për çdo ditë kishin konsumuar 600 miligramë ekstrakte nga orizi i kuq. Rezultati ishte se për 45% ishte forcuar muskuli i zemrës dhe ishte ulur niveli i kolesterolit në gjak.

Burime vitaminash dhe mineralesh frutat e thata janë aleate te shëndetit tone. Ja çfarë te mirash kane ato.

Rrushi i thate kundër osteoporozës

Rrushi i thate përmban shume bor, një obligo-element ky qe i bën kockat me te shëndetshme. Disa studime tregojnë se nëse hani çdo dite rrush te thate mund te parandaloni osteoporozën. Rekomandohet te konsumoni 1-3mg ne dite. Mund t’i hani ato edhe duke i përzierë ne kos. Nga ana tjetër këto fruta te thata përmbajnë edhe glukoze dhe fruktoze, çka përmirëson performancat sportive me shume sesa pijet energjike.

Kajsitë e thata kundër hipertensionit

Kajsitë përmbajnë mjaft kalium dhe pak natrium, çka ul hipertensionin arterial dhe shmang sëmundjet kardiovaskulare. Nga ana tjetër ato mund te përmirësojnë edhe shikimin, fale beta-karotenit, një antioksidues ky i pasur me vitamine A.

Kumbullat e thata kundër kapsllëkut

Fale fibrave qe përmbajnë, kumbullat favorizojnë kalimin e ushqimeve neper zorre. E mira është qe ato te konsumohen ne mëngjes.

Fiqtë e thate kundër anemisë

Personat qe kane mungese hekuri, pra qe vuajnë nga anemia, duhet te konsumojnë fiq te thate. Katër fiq sjellin aq hekur sa i duhet çdo njeriu ne një dite.

Arrat kundër kolesterolit

Arrat ashtu si dhe bajamet, lajthite apo stikat luftojnë kolesterolin ne gjak. Studiuesit amerikane kane zbuluar se konsumimi i përditshëm i 67grameve ul ndjeshëm sasinë e kolesterolit.

Nuk arrini që gjatë gjithë natës të flini sepse jeni shumë të lodhur? Silleni nëpër shtrat, shikoni orën, por kurrsesi të keni gjumë në sy?

Nëse kjo ju duket disi e njohur, është koha të provoni disa përgatitje bimore, të cilat do t’ju ndihmojnë që më lehtë të flini, të jeni më të freskët dhe në mëngjes të jeni shumë të kthjellët.

Livanda

Dy lugë me gjethe të livandës i përzieni me një gotë me ujë të valuar, e lini të qëndrojë për dhjetë minuta. Më pas, në formë çaji, e shtoni edhe një lugë me mjaltë. Çdo ditë konsumoni dy gota me këtë çaj, pak para se të shkoni në shtrat.

Limoni

Zieni dhjetë lugë me lëvore të limonit me një litër ujë. E lini të qëndrojë për dhjetë minuta. Para se të flini mbushni vaskën me ujë të ngrohtë, shtoni gjithë çajin dhe futuni dhe qëndroni për 20 minuta.

Aguliçet

Rrënjët e aguliçes i imtësoni shumë. Më pas i vendosni në ujë të valuar. Çdo ditë konsumoni nga dy gota.

Murrizi i kuq

Përzieni një lugë me gjethe të thara të murrizit të kuq me gjysmë luge balsam. E zieni dhe e lini të qëndrojë për dhjetë minuta. Çdo ditë konsumoni nga tri gota.

Shkencëtarët francezë kanë krijuar koktejin e frutave, i cili në mënyrë drastike mund të ulë rrezikun nga problemet e zemrës dhe sulmi në tru, dhe i cili është tepër i shijshëm.

Në koktej gjenden shtatë lloje të pemëve – rrushi, mollët, boronicat dhe dredhëzat.

Tri llojet tjera të cilat janë shtesë e veçantë ekzotike për këtë ‘super smoothie’ janë këto: thana evropiane (Vaccinium vitis-idaea), fryti specifiki kuq, i cili kultivohet rrallë, por mblidhet si i egër, pastaj acerola, pema e kuqe e ngjashme me qershinë, e cila përmban 30 për qind më shumë vitamina C se sa portokalli dhe në fund fryti i zi i aronias, i cili më së shpeshti konsiderohet fryti më i shëndetshëm malor në botë.

“Ky hulumtimi vetëm sa i jep peshë dhe rëndësi dëshmive që ekzistojnë tashmë që konsumimi i pemëve dhe perimeve është i mirë për ne në kuptimin e reduktimit të rrezikut nga sëmundjet e zemrës”, përcjell Daily Mail deklaratën e Tracy Parker nga Fondacioni britanik për zemër.

Duke u bazuar në hulumtimin më të ri, disa ushqime kanë të njëjtin efekt sikurse edhe antidepresivët. Nutricistët janë shumë të sigurt se pikërisht këto ushqime mund t’ju ndihmojnë që të ndiheni në mënyrë fantastike.

Çokollata e zezë

Pos faktit se është shumë e shijshme, çokollata e zezë ka një sasi të madhe të magnezit – mineral ky i cili qetëson muskujt dhe zvogëlon tensionimin. Pos kësaj, çokollata e zezë është e pasur edhe me triptofan, i cili ndihmon në zvogëlimin e simptomave të depresionit.

Skumbri

Skumbri dhe arrat janë ushqime të pasura me plot acide ‘omega-3′, të cilat ndihmojnë në luftën kundër depresionit dhe ndryshimit të disponimit. Po ashtu përmirësojnë kujtesën dhe përqendrimin.

Spinaqi

Këto gjethe të gjelbra përmbajnë acidin folik, i cili ndikon në përmirësimin e disponimit. Acidi folik është një antioksidues që punon në mbrojtjen e qelizave të trurit nga radikalët e lirë që ndikojnë në humbjen e energjisë dhe rënien e disponimit.

Mishi i pulës

Ky lloj i mishit është i pasur me vitaminat B12 që ndikojnë në qetësimin e trupit tuaj. Mungesa e këtyre vitaminave mund t’ju bëjë të ndiheni të lodhur dhe pa disponim.

Avokado

Pos se është shumë i dobishëm për lëkurën, flokët dhe thonjtë, avokado në mënyrë të dobishme ndikon në neuro-transmetuesit, shkaku se është i pasur me serotoninë.

Jogurti

Jo vetëm se shihet si një ushqim magjik, por probiotikët që gjenden në jogurt përmirësojnë disponimin, si dhe ndikojnë në forcimin e sistemit imun.

Çaji i gjelbër

Çaji i gjelbër është përplot me teaninë, antioksidues ky që ndikon njësoj sikurse qetësues.

Frutat e malit

Boronicat, dredhëzat dhe mjedrat janë të pasura me antocianid dhe materie ushqyese që ndihmojnë në zvogëlimin e simptomave të stresit dhe të depresionit.

Ky është sezoni i mbledhjes së mollëve, e duke marrë parasysh dobinë që ato i ofrojnë organizmit, atëherë lirisht kënaquni me konsumimin e mollës.

Nuk thuhet kot ‘një mollë në ditë largon mjekun nga shtëpia’. Mollët mund të jenë një burim i mirë për një darkë të lehtë, ndërsa që ekspertët ju sugjerojnë që t’i konsumoni para ushqimit, e jo pas tij. Nëse pëlqeni zamrat, atëherë zgjidhja më e mirë do të ishte që të konsumoni dy mollë, e asgjë tjetër.

Njëqind gramë mollë përmbajnë 85-90% ujë, 10 g karbohidrate, prej të cilave 2-3 g proteina. Pos vitaminës C, përmban vitaminat A dhe B, kalium, fosfor dhe kalcium. Po ashtu, duhet cekur se është e varfër për sa ju përket kalorive, kështu që 100 g mollë kanë 40 kalori.

Ekspertë të shumtë e po ashtu edhe shkencëtarë ju sugjerojnë që porsa t’i hapni sytë në mëngjes ta konsumoni një mollë. Kjo ndikon në qarkullimin e gjakut, forcon sistemin imun si dhe ndikon në tretjen e ushqimit.

Në bazë të hulumtimit të fundit, përgatitja e mishit në temperatura të larta shton rrezikun për t’u prekur nga kanceri në prostatë për 40%.

Tashmë është e njohur se ushqimi i pasur me mish të kuq shton këtë rrezik.

Studimi i ekspertëve amerikanë këtë e ka vërtetuar dhe ka zbuluar se rreziku nga kanceri shtohet si pasojë e bashkimit të substancave të forta kimike dhe kancerogjene që zhvillohen me rastin e përgatitjes së mishit në temperatura të larta.

Në studim kishin marrë pjesë rreth 2.000 vullnetarë, ndërsa më shumë se gjysma prej tyre që kishin qenë të përfshirë në këtë studim ishin diagnostikuar me kancer në prostatë. Ishte vërtetuar se meshkujt që brenda javës konsumojnë më shumë se 120 gramë mish të kuq për 30% janë më të rrezikuar se do të preken nga kanceri në prostatë.

Konsumimi i më shumë se 200 gramë mish të kuq të javë këtë rrezik e shton në 40%. Ishte vërtetuar se rrezik paraqesin edhe hamburgerët, pasi që edhe tek mishi i bluar shfaqen substanca të rrezikshme gjatë pjekjes në temperatura të larta.

Nëse rrini ulur gjatë

Nevojat tuaja: Fibra bimësh të cilat rregullojnë punën e zorrëve, vitaminë C për forcim të sistemit të imunitetit, proteina dhe karbohidrate të cilat treten ngadalë.

Sandviçi juaj: 70 gramë bukë integrale, një omëletë e ftohtë me erëza me shije hudhre, domate, spec, majdanoz.

Vlera energjetike: 270 kcal, 18 g proteina, 11 g yndyrë, 60 mg vitaminë C, 6 mg fibra bimësh.

Nëse ecni shumë

Nevojat tuaja: Karbohidrate të cilat treten ngadalë, yndyra të mira, hekur, vitamina të grupit B të dobishme për muskuj.

Sandviçi juaj: 70 g bukë me drithëra të lyer me margarinë, dy feta proshutë, tranguj turshi.

Vlera energjetike: 450 kcal, 28 g proteina, 20 g yndyrë, 10 mg hekur, 50 mg magnez.

Nëse jeni në dietë

Nevojat tuaja: Karbohidrate të cilat treten ngadalëë në mënyrë që të jeni të ngopur deri në shujtën e ardhshme dhe pak yndyrë për disponim më të mirë.

Sandviçi juaj: 70 g bukë italiane integrale të lyer me një shtresë të hollë të margarinës dietale dhe mustardë, qepë, trangull, domate dhe mish të bardhë të pulës të prerë në copa katrore.

Vlera energjetike: 300 kcal, 21 g proteina, 8 g yndyrë, 3 g fibra bimësh.