- Özgür Töre
Presidentja e Gjeorgjisë Salome Zourabichvili foli kundër rivendosjes së trafikut të drejtpërdrejtë ajror me Rusinë të premten.
Në një deklaratë të publikuar nga shërbimi për shtyp, Zourabichvili kërkoi të vendosen kufizime shtesë për rusët që vijnë në Gjeorgji.
“Unë nuk e mirëpres rivendosjen e lidhjeve ajrore me Rusinë… Ne kemi nevojë për kufizime për të marrë të drejtën për punë, hapjen e biznesit, blerjen e pronave ose hapjen e shkollave në gjuhën ruse,” tha ajo.
Te merkuren, Ministri i Jashtëm rus Sergej Lavrovduke folur në një konferencë shtypi mbi performancën e diplomacisë ruse në vitin 2022, tha se shpresonte që Rusia dhe Gjeorgjia së shpejti do të jenë në gjendje të rifillojnë shërbimin e drejtpërdrejtë ajror.
Rusia pezulloi fluturimet direkte drejt Gjeorgjisë në vitin 2019 pas manifestimeve anti-ruse të organizuara nga opozita gjeorgjiane për shkak të pjesëmarrjes së deputetit të Dumës së Shtetit të Rusisë Sergej Gavrilov në një takim të Asamblesë Ndërkombëtare të Ortodoksisë në kryeqytetin Tbilisi.
Më 20 qershor 2019, mijëra njerëz protestuan kundër ligjvënësit rus Gavrilov, i cili zuri vendin e kryetarit në parlamentin gjeorgjian në seancën e Asamblesë së Përgjithshme të 26-të Ortodokse Ndërparlamentare në Gjeorgji. Edhe pse ishte vendim i organizatorëve, protestuesit akuzuan Gavrilovin për ambicie perandorake.
Burimi: AA
