Perberesit:
– zorrë
– të brendshme 300 g
– vaj 2-3 lugë gjellekripë
– piper, spec i kuq, rigon,
Gatimi:
Zorrët e qengjit pastrohen mirë dhe lahen duke i kthyer nga të dyja anët. Merren mëlçitë, gjëndrat, dhjamërat, mushkëritë dhe priten në copa kubike mesatare. U hidhet kripë, piper i zi, rigon përzihen, pastaj shkohen me radhë në hell një copë mushkri, një copë gjendër, një copë mushkri e kështu me radhë.
Si të jenë shkuar të gjitha të brendshmet në hell mbeshtillen me zorrët sipër duke i mbuluar këto. Kukureci bëhet më i shijshëm kur piqet në hell, mbi prush ose në furrë me zjarr të ngadaltë në mënyrë që të mos përvëlohet. Si të jetë skuqur nga të gjitha anët, hiqet nga helli, vendoset në pjatë dhe i hidhet piper i zi i bluar.Gjatë pjekjes në furrë spërkaten me lëngun e vet duke i hedhur edhe pak yndyrë.
