Nje recete shume e pasur dhe shume ushqyese me shume vitamina dhe yndyrna, kujdes per ne qe kemi disa kg me shume se te tjeret, por nje gatim nga me te dashura per femijet dhe jo vetem….
Pastico me kima
Pergatisim kiman sipas recetes ne rubriken shenime.
Zakonisht per nje tepsi 40-45 cm per 10-12 racione përdorim makarona tub NR 2. Vendosim nje tenxhere deri mbi mes me uje te valoje ne zjarr te forte, dhe ne momentin qe do mare vale shtojme nje luge supe me kripe dhe tre luge supe me vaj.
Shtojme makaronat dhe trazojme te mos ngjiten.I ziejmë por jo deri ne fund te mbajne pak se do te piqen edhe ne furrë. I kullojme ne kullesen e makaronave por nuk i shpelajme me uje te ftohtë.
SALCA BESHAMELL:
Na duhen:
1liter deri ne 1.200 liter qumësht, 6 luge supe me gjalp ose margarine, 6 luge supe me miell te zakonshem, 2 filxhan kafeje me djath kackavall, 2 luge kafeje me kripe, Pak piper i bardhe ,ne mungese piper i zi, 2 kokrra veze, 1 filxhan caji me djath kackavall per te sperkatur makaronat dhe persiper pasticon kur ta shtrojme.
Pergatitja :
Vendosim nje tenxhere ne zjarr te dobet dhe shtojme gjalpin dhe miellin dhe trazojme me telin e vezeve. Kemi ngrohur me pare qumeshtin dhe shtojme pak e nga pak duke trazuar vazhdimisht me kujdes qe te mos na bëhet kokrra.Zjarri duhet te jetë i dobet ne menyre qe salca te mos na ngjitet, kete e realizojme duke trazuar me durim deri sa te mare vale. Sapo te filloje te nxjerre fllucka ne siperfaqe shtojme kripën ,piperin dhe djathin e grire, trazojme edhe pak dhe e ulim nga zjarri.Salca deri ne kete moment duhet te jetë e lengeshme qe kur ngreme telin larte te rrjedhe normalisht.
E leme pak te ftohet. Shtojme nje veze brenda dhe trazojme shpejt me telin te bashkohet bukur me masën e salces.Vazhdojme keshtu edhe me vezen e dyte. Kemi kujdes qe vezët do ti shtojme ne salce nje nga nje ,kur te trazojme mire te paren do te shtojme te dyten.
Marim nje tepsi lyejme fundin me gjalp sperkatim ne rast se kemi me pak galete te bluar qe te mos na ngjiten makaronat ne fund .
Shtrojme ne tepsi gjysmat e makaronave sperkatim me pak djath dhe mbi te shtrojme masën e kimase qe kemi pergatitur me pare, sperkatim edhe ketu me pak djath te grire dhe shtrojme makaronat e tjerra. Shtrojme bukur salcën te mbulohen makaronat mbi te dhe sperkatim me djathin e grire qe ka mbetur. E pjekim ne furen e nxehur me pare ne temperaturen 180 grade deri sa te mare ngjyre te kuqeremte.
