Bashkimi Evropian do të rihapë kufijtë për vizitorët e vaksinuar

Bashkimi Evropian ra dakord sot të rihapë kufijtë e tij për vizitorët që janë vaksinuar plotësisht me një vaksinë të miratuar për COVID-19.

Në takimin e sotëm, ambasadorët e 27 vendeve anëtare ranë dakord të rihapin kufijtë e saj për vizitorët që janë vaksinuar plotësisht me një vaksinë të miratuar, ose ata që vijnë nga një listë e vendeve që konsiderohen të sigurta nga një Covid.

Lista e vendeve të sigurta sipas të dhënave të COVID-19 do të shpallet të premten.

“Sot ambasadorët e BE-së ranë dakord të përditësojnë qasjen për të udhëtuar nga jashtë Bashkimit Evropian,” tha Ezëdhënësi i Komisionit Evropian, Christian Wigand.

Sidomos vendet e BE-së të varura nga turizmi kanë luftuar pa udhëtarë gjatë rrjedhës së pandemisë, dhe Greqia, Italia, Spanja dhe të tjerët po kërkonin të gjenin një mënyrë për t’u rihapur në mënyrë të sigurt. Greqia tashmë ka njoftuar hapjen e dyerve për amerikanët. Mbretëria e Bashkuar pranon gjithashtu amerikanë, por ata duhet të karantinojnë të paktën pesë ditë, pavarësisht nëse janë të vaksinuar. Megjithëse Britania e Madhe nuk është në BE, rregulli i karantinës për të vaksinuar plotësisht mund të ndryshojë së shpejti.

BE do të vendosë se cilat vaksina miratohen. Ose vaksina të miratuara nga Agjencia Evropiane e Barnave – EMA ose nga Organizata Botërore e Shëndetësisë. Kjo mbulon vaksinat Pfizer-BioNTech, Moderna, Johnson & Johnson, AstraZeneca dhe Sinopharm.