Depozitimi i ushqimit sjell shumë pyetje dhe brengosje, aq më parë kur është fjala për produktet e mishit. Çdo lloj mishi ka afatin e vet të qëndrueshmërisë në frigorifer dhe në frigorifer me ngrirje të thellë, transmeton Telegrafi.
Mishi i freskët i pulës
Mishi i freskët i pulës në frigorifer mund të qëndrojë vetëm një ose dy ditë (në temperaturë prej 5 gradësh Celsius apo më ftohtë), por deri në një vit në frigorifer me ngrirje të thellë (në temperaturë prej – 18 gradësh apo më ftohtë). Mishi i zier i pulës mund të qëndrojë në frigorifer disa ditë, mirëpo mundet edhe i ngrirë dhe të hahet për dy deri në gjashtë muaj.
Mishi i kuq
Mishi i kuq mund të qëndrojë në frigorifer deri në pesë ditë, por mund të qëndrojë në frigorifer me ngrirje të thellë në periudhë prej 4 deri në 12 muaj.Mishi tjetër i zier do të zgjat tri deri në pesë ditë në frigorifer dhe dy deri në gjashtë muaj nëse e ngrini.
Mishi i bluar
Mishi i bluar, siç është mishi i lopëve, i viçit apo mishi i derrit, mund të qëndrojë në frigorifer një deri në dy ditë, por mund të qëndrojë i ngrirë në periudhë prej tre deri katër muaj.
Proshuta dhe suxhuku
Proshuta e cila qëndron në frigorifer duhet të hahet në afat prej një jave, ndërkaq suxhukun duhet ta hani në afat prej dy ditësh.Edhe proshuta edhe suxhuku mund të qëndrojnë në frigorifer me ngrirje të thellë deri në një muaj, ndërkaq disa suxhukë në frigorifer me ngrirje të thellë mund të qëndrojnë edhe deri në dy muaj.
