Për recetën e kësaj të shtune kemi zgjedhur mini-pizzat e Mirela Andonit. Të gjithë mund t’ia lejojmë vetes si shpërblim në fundjavë një picë, por për t’u ndjerë më pak fajtorë zgjidhni më mirë mini-pizzat. Ato bëhen në pak kohë, pa brum të ardhur ose maja, si dhe mund t’i bëni me shije të ndryshme.
Përbërësit që ju duhen:
• 300 g miell
• 200 g kos
• 1 lugëz fryrës
• 1 lugëz kripë
• 1/2 vazo me domate e freskëta
• 200 g mozarella
• Rigon
• Ullinj të zinj
• Domatëza
• Gjethe borziloku
Mënyra e përgatitjes:
Në tas hedhim miellin, fryrësin, kripën, kosin dhe pak vaj ulliri. E punojmë brumin me duar dhe e lëmë të pushojë 20 min. E hapim brumin petë me trashësi 1/2 cm dhe e presim në forma të vogla, i lyejmë me salcën e domateve, i mbushim me mozarella, rigon dhe ullinj. I pjekim për 20 min në furrë të parangrohur. I shërbejmë të ngrohta me pak borzilok të freskët.
https://www.instagram.com/p/CAz8tIJADkI/?utm_source=ig_embed
Burimi: Class
