FSHATI TRAGJAS

0

FSHATI TRAGJAS

Fshati Tragjas ndodhet në grykën midis malit të Shashicës dhe Karaburunit, duke u ngjitur për qafën e Llogorasë.

Fshati Tragjas me një reliev malor shquhet për peisazhe natyrore me vlera të larta, si dhe një natyrë të padëmtuar.

Fshati është një pikë periferike dhe përtej tij nuk ka qendra të tjera të banuara.

Është prekur fare pak nga zhvillimet urbanistike të njëzet vjeçarit të fundit.

Ka një popullsi të vogël (prej 1435 banorë), krahasuar me fshatra të tjerë të territorit të Vlorës.

Si të arrish në Tragjas

Largësia: 173 km larg Tiranës Koha: 3 orë e 15 minuta

Çfarë të shohësh

• Kalaja e Gjon Boçarit (gjendet në një kodër mbi fushën e Dukatit, Tragjasit dhe fshatit Radhimë)
• Ivzori (gjendet në Tragjas)

Ku mund të drekosh

• Grand Hotel Tragjasi (hotel-restorant) cel: 0692035441

Ku mund të qëndrosh

• Grand Hotel Tragjasi (hotel-restorant) cel: 0692035441

Evente

•Shija në hell (Korrik/Gusht)
  • Aktivitete që zhvillohen:

Tragjasi shfaq potencial, lidhur me zhvillimin e agro-turizmit. Pozicioni në lidhje me malin e Shushicës dhe lidhjet e drejtpërdrejta me parkun e Llogorasë, e bëjnë një pikë ideale për sportin e alpinizmit dhe marshimit në natyrë “trekking”. Vlerat natyrore thuajse të paprekura – për aktivitete rekreative mbi observimin e natyrës (birdwatching), monumentet dhe rrënojat e fshatit të vjetër me arkitektura karakteristike – për aktivitete kulturore si: vizita të organizuara në monumente, festivale kulturore dhe tradicionale.

  • Infrastrukturë turistike:

Fshati gjendet rreth 8 km nga aksi kombëtar Vlorë – Sarandë dhe rreth 26 km nga qyteti i Vlorës. Rruga për “Tragjasin e Ri”  është në një gjëndje të mirë dhe e praktikueshme nga automjetet, ndërsa për në  “Tragjasin e Vjetër” është në gjendje të dëmtuar dhe e kalueshme vetëm nga mjete specifike off-road. Rruga lidhëse me fshatin e ri, është në gjendje funksionale, paraqet nevoja për riparime lokale por të pranueshme, ndërsa ajo lidhëse me fshatin e vjetër, tejet e dëmtuar.

  • Një kuriozitet rreth fshatit Tragjas:

Gjatë udhëtimeve të tij, piktori i famshëm Eduard Lir, ka ardhur në Tragjasin e Vjetër, ku ka qëndruar një natë. Sipas historianëve, ai ishte mrekulluar nga natyra dhe pozicioni gjeografik i fshatit. Mendohet që, ai të ketë qëndruar diku, pranë shkollës së dikurshme dhe, prej andej, ka krijuar një nga tablotë e tij më të njohura.

Exit mobile version