Category: Fruta dhe Perime

All-llahu i Gjithfuqishem e permend kungullin ne Kur’an ku flet per e derguarin e vet te bekuar,Junusin a.s duke thene:”Dhe Ne beme qe per te te mbije nje bime (t’i beje hije) nga kungulli”

Aishja r.a ka treguar se i Derguari i All-llahut s.a.v.s ka thene: “Kur zien perime te ndryshme me mish, hidh me shume kungulleshka ne te ,sepse ajo eshte mjet per forcim qe e permireson zemren e pikelluar”.

Kungulli nuk përdoret shpesh kohët e fundit, por ai është një burim i mirë i vitaminave, mineraleve dhe përbërësve të tjerë të rëndësishëm. Ka pak kalori dhe tretet lehtë. Kungulli përmban një sasi të vogël të proteinave, karbohidrateve dhe yndyrave, por ka edhe vitaminat A, C, E dhe K, si dhe vitaminat e grupit B. Gjithashtu kungulli është i pasur edhe me fibra dhe për shkak se përmban numër të vogël të kalorive, preferohet që të përdoret edhe nga personat që janë në dietë. Edhe beta karotina është një nga përbërësit e kungullit. Është konstatuar se beta karotina zvogëlon rrezikun e paraqitjes së kancerit të qafës së mitrës, ezofagut, lukthit dhe fytit. Ajo bllokon veprimin e radikaleve të lira, duke penguar kështu dëmtimin e strukturës qelizore të ADN-së.

(Visited 349 times, 1 visits today)

Bananet janë shumë të pasura me kalium, një mineral ky nga më të rëndësishmit për të mbajtur presionin e gjakut në nivele optimale dhe për mbarëvajtjen e funksionit të zemrës. Duke qenë se përmban rreth 460mg kalium, një banane në ditë mund të parandalojë hipertensionin dhe të mbrojë në këtë mënyrë nga arterioskleroza.

Bananet mbrojnë kundër ulceres

Bananet njihen që herët për vetinë e tyre për të ulur aciditetin(thartesiren) e stomakut (lukthit), dhe si rezultat të mbron kundër ulcerës (te thatit) dhe dëmeve që ajo shkakton. Në një studim, një përzierje e qumështit me banane, uli në mënyrë të konsiderueshme aciditetin e stomakut. Në një tjetër studim në kafshë, shkencëtarët vunë re se banania e freskët e mbronte stomakun nga plagët. Banania e luan rolin e saj mbrojtës në 2 mënyra: së pari, disa substanca që ndodhen te bananet ndihmojnë aktivizimin e disa qelizave, që përbëjnë shtresën e jashtme të stomakut, atë që vjen në kontakt me ushqimin, e cila prodhon dhe mukozën që e ruan stomakun nga aciditeti. Së dyti, disa përbërës të tjerë, që quhen inhibitorë të proteasave ndihmojnë në eliminimin e disa baktereve në stomak, të cilët janë akuzuar si kryesorë në shkaktimin e ulcerës në stomak.

Ndihmojnë në periudhat e eliminimit

Në rastet e diarresë(jashteqitjes) së shpeshtë, për shkaqe të ndryshme, na duhet të eliminojmë ushqime që mund të agravojnë situatën. Një episod diarreje mund të zbrazë depozitat tona në elektrolite shumë të rëndësishëm. Bananet mund të na plotësojnë mangësitë në kalium, një nga elektrolitet më të rëndësishëm, i cili ndihmon në rregullimin e funksionit të zemrës dhe në balancën e lëngjeve në trup.
Gjithashtu, bananet përmbajnë pektinë, një lloj fibre e tretshme, e cila ndihmon shumë në normalizimin e aparatit tretës dhe lehtëson konstipacionin. Ëmbëlsia dhe përmbajtja në sheqer e bananeve varion në saje të pjekjes së tyre. Kur ato janë pak të pjekura (me ngjyrën e verdhë gati jeshile) kanë një indeks glicemik më të ulët. Kjo i bën bananet një nga frutat më të rekomandueshëm, në të kundërt të famës që ato kanë.

Bananet mbrojnë shikimin tonë

Mamaja juaj mund t’ju ketë thënë se karotat ju ndihmojnë për shikim më të qartë të syve kur ishit fëmijë, por për adultët (te rriturit) duket se konsumimi i frutave është më i rëndësishëm për këtë. Në një botim të Archives of Ophthalmology, përmendet se konsumi i të paktën 3 frutave në ditë, ndihmon shumë në parandalimin e përkeqësimit të shikimit me kalimin e moshës. Banania është një nga frutat që, nëse e konsumojmë përditë, në kombinim me fruta të ngjyrave të kuqe dhe jeshile, do të ndihmonte shumë për të pasur shikim më të mirë me kalimin e moshës.

Ndihmojnë në periudhat e eliminimit

Po, është e vërtetë, nëse vendosni bananet rregullisht në menynë tuaj, ndihmon në absorbimin e kalciumit, elementit më të rëndësishëm në ndërtimin e kockave tona. Bananet përmbajnë një prebiotik, i cili ushqen bakteret miqësore të kolonit (zorres se trashe). Këto baktere prodhojnë vitamina dhe enzima, të cilat ndihmojnë shumë aftësitë tona për të absorbuar nutrientë (materie ushqyese) shumë të rëndësishëm, siç është dhe kalciumi. Gjithashtu, koha e kalimit të ushqimit në zorrë zgjatet dhe, në këtë mënyrë, ulet rreziku i kancerit të zorrës së trashë. Bananet jeshile përmbajnë acide yndyrore të shkurtra, të cilët janë më të preferuarit për qelizat që përbëjnë shtresën e parë të zorrës. Kur këto qeliza ushqehen mirë, ato janë shumë më të afta për të absorbuar (thithur) kalciumin dhe nutrientë të tjerë të vlefshëm. Disa banane janë burim i pasur edhe i karotenoideve të ndryshëm. Ato me ngjyrë sa më të artë kanë dhe përmbajtjen më të lartë.

Bananja ndihmon shëndetin e veshkave

Rreth 190.000 raste kanceri të veshkave identifikohen çdo vit në Amerikë. Faktorët e riskut përfshijnë duhanpirjen, obezitetin (mbipeshen), hipertensionin dhe ekspozimin në disa substanca toksike, si asbestos dhe kadmiumi. Faktorë dietetikë janë vënë re si parandalues. Konsumi i rregullt dhe i përditshëm i fruta-zarzavateve të pasura me fibra bimore, por kryesisht konsumi i bananeve është lidhur me mbrojtjen e veshkave nga kanceri.

Sa shpesh të konsumojmë banane

Një banane të vogël mund ta konsumojmë edhe përditë, duke e kombinuar atë me 2-3 fruta të tjerë, të llojeve dhe ngjyrave të ndryshme. Banania mund të përfshihet në ëmbëlsira, në kos me fruta dhe pak mjaltë, si dhe në lëng të freskët frutash.

Fruti i mollës për shkak të materieve të pazëvendësueshme që përmban, ndikon pozitivisht në mjekimin e shumë sëmundjeve.

Çaji që përgatitet nga lulet e mollës pihet kundër ftohjeve të ndryshme, lehtëson etjen, forcon nervat, mushkëritë dhe zemrën. Ky çaj është mjet i mrekullueshëm për rregullimin e tretjes.

(Visited 119 times, 1 visits today)

Nje molle ne dite, mban mjekun larg jush !”Një mollë në ditë e mban mjekun larg nesh”. Kjo thënie e vjetër na kujton efektet pozitive të këtij fruti te shëndeti ynë, por sa prej nesh e dinë me saktësi se ku ndikon pozitivisht konsumi i përditshëm i tij.

Molla me vetëm 45 kalori për 100 g peshë përmban shumë vitamina e kripëra minerale. falë fibrave në përmbajtjen e saj, molla ka ndikim pozitiv

në jashtëqitje.Gjithashtu, molla përmban acid salicilik, që ndihmon në pastrimin e dhëmbëve pas konsumimit të ushqimeve.

Ne po ju japim edhe 5 arsye të tjera për të konsumuar këtë frut të shëndetshëm.

1) Ul nivelin e të ashtuquajturit kolesterol i keq. Një studim i universitetit të Floridës ka arritur në përfundimin se konsumimi i një molle në ditë ul kolesterolin e keq tek gratë me 25 për qind për rreth 6 muaj. Dhe jo vetëm: ngrënia e mollëve në mënyrë të rregullt ul nivelin e agjentëve që kanë lidhje me sëmundjet kardiake (si p.sh. proteina C-reaktive) dhe ndihmon në rënien në peshë.

2) Ngadalëson kancerin në gjoks. E përdorur në formë ekstrakti, molla kundërshton zhvillimin e kancerit në gjoks. Sipas një studimi universitetit të New York-ut, ekstrakti i mollës, i cili iu dha minjve, u pa se ishte në gjendje të ngadalësonte rritjen e formës më vdekjeprurëse të kancerit të gjoksit. Dhe jo vetëm kjo. Kontributi efikas i mollës u vu re edhe në parandalimin e të tjera llojeve kanceresh, si p.sh. ai i zorrës së trashë apo i prostatës.

3) Forcon kujtesën – Lëngu i mollës rrit prodhimin në tru të një neurotransmetuesi të rëndësishëm të quajtur acetilkolina dhe përmirëson kujtesën. Sipas profesorëve të Universitetit Lowell të Massachusetts-it, komunikimi cerebral i neurotransmetuesve është thelbësor për një shëndet të mirë jo vetëm të trurit, por të gjithë organizmit.

4) Parandalon rrudhat – Konsumimi i mollës i bën mirë edhe lëkurës, ngadalëson plakjen dhe kufizon formimin e rrudhave për shkak të sasisë së madhe të polifenoleve që përmban.

(Visited 202 times, 1 visits today)